புரோக்கர்கள் பிடியில் தாலுகா ஆபீஸ்!

பல மாவட்டங்களில் அளுங்கட்சிக்கு எதிராக சத்தமில்லாமல் வருவாய்த் துறையினர் செயல்பட்டு வருகிறார்கள். அதாவது, இ.மு.க. அரசு பல்வேறு நலத்திட்டங்களை அறிவித்தாலும், மக்களிடம் அது சேர்வதில்லை. மக்கள் அந்த நிதி ஒதுக்கீடுக்காக வருவாய்த்துறையின் உயரதிகாரியைப் பார்த்து, "மனு என்னாச்சு?" என்றால், "அவரப் பாத்தீங்களா? பார்த்துவிட்டு வாங்க.. வேலை ஆகும்" என்கின்ற நிலை ஓவ்வொரு தாலுகா அலுவலகத்திலும் காணக் கிடைக்கிறது.

-  -நா.ஆதித்யா

சிவகங்கை மாவட்டத்தின் ஒன்பது வட்டங்களுள் ஒன்றான சிவகங்கை வட்டத்தில் 62 வருவாய் கிராமங்களும், சிவகங்கை, மதகுப்பட்டி, ஓக்கூர், பெரிய கோட்டை மற்றும் தமறாக்கி என 5 உள்வட்டங்கள் உள்ளன. இங்குள்ள தாலுகா அலுவலகத்தில் வருவாய்த்துறையினரால் பரிந்துரைக்கப்பட்டவர்களைப் பார்த்தால் தான் உடனடியாக 'காரியம்' நடக்கும். அந்தளவிற்கு 'புரோக்கர்கள்' பிடியில் இருக்கிறது சிவகங்கை தாலுகா அலுவலகம்.

"ஏசன் கார்டு, சாதிச்சான்று, வருமானச் சான்று, அதரவற்ற விதவைச் சான்று, மகளிர் உரிமைத்தொகை உள்ளிட்ட சான்றுகளைப் பெறுவதற்கு அங்குள்ள புரோக்கர்களிடம் கொடுப்பதைக் கொடுத்தால்தான் வேலை நடை பெறுகிறது. இல்லையென்றால் பல்வேறு காரணங்களை கூறி காலத்தைக் கடத்திவருகின்றனர்.

சாதிச்சான்று, வருமானச் சான்று குறிப்பிட்ட காலத்தில் கிடைக்காமல் பள்ளி, கல்லூரி மாணவர்கள் சிரமத்திற்கு உள்ளாகி வருகின்றனர். அதேபோல், அதரவற்ற விதவைச்சான்று வாங்கவரும் பெண்களிடம் செல்போன் எண்களைப் பெற்று பாலியல் சில்மிஷத்திலும் சில புரோக்கர்கள் ஈடுபடுகின்றனர்" என்கின்றார் வருவாய்த்துறையில் பணியாற்றும் நேர்மையான அதிகாரி ஒருவர்.