అమ్మలగన్న మాయమ్మ బెజవాడ కనకదుర్గమ్మ

విజయవాడ కనకదుర్గ ఆలయం మహా మహిమాన్వితమైంది.అమ్మవారి చలవతో మొక్కులు నెరవేరుతాయని స్థానికులు తమ అనుభవాలను చెప్తారు.

- - వైశ్యరాజు జగదీష్, 9640405035

విజయవాడ కనకదుర్గ ఆలయం మహా మహిమాన్వితమైంది.అమ్మవారి చలవతో మొక్కులు నెరవేరుతాయని స్థానికులు తమ అనుభవాలను చెప్తారు. ఈ ఆలయంలో అడుగు పెట్టగానే ఒక ప్రశాంతత ఆవరిస్తుంది. అలజడులు, ఆందోళనలు మటుమాయమై అంతులేని ఆనందం అనుభూతికొస్తుంది. దసరా నవరాత్రుల మహోత్సవాలకు దేశం నలుమూలల నుండీ లక్షలాదిమంది భక్తులు ఇంద్రకీలాద్రిపై వెలసిన కనకదుర్గమ్మను దర్శించుకుని తరిస్తారు ఇంద్రకీలాద్రిపై వెలసిన ఈ కనకదుర్గమ్మ మహా శక్తి స్వరూపిణి.

విజయవాడ కనకదుర్గ గుడి, కృష్ణా నది ఒడ్డున ఇంద్రకీలాద్రి పర్వతం మీద ఉన్న ది. ఇది ఆంధ్రప్రదేశ్ రాష్ట్రంలోనే రెండో పెద్ద దేవాలయం (మొదటిది తిరుమల తిరుపతి దేవస్థానం). హిందూ వురాణాలలో అమ్మవారి గురించి ప్రస్తావన ఉంది.ఆలయం లో అమ్మవారి విగ్రహం సుమారు నాలుగు అడుగుల ఎత్తు ఉంటుంది.మిరిమిట్లు గొలిపే ఆభరణాలు, వూలతో అలంకరించబడి ఉంటుంది. విగ్రహానికి ఎనిమిది చేతులు ఉన్నాయి. ఒక్కో చేతిలో ఒక్కో ఆయుధం ఉంటుంది.త్రిశూలంతో మహిషాసురుని గుండెలో పొడుస్తున్న భంగిమలో ఉంటుంది.