చైర్మన్ తో ముఖాముఖి

చైర్మన్ తో ముఖాముఖి

- నూరపు సూర్యప్రకాశరావు

నూరపు సూర్యప్రకాశరావు చైర్మన్, నేటి దిన పత్రిక సూర్య

ఎవరైనా వ్యక్తి మొబైల్ ఫోన్కి కాల్ చేసి, తాను టెలికమ్యూనికేషన్స్ డిపార్ట్మెంట్ నుంచి కాల్ చేస్తున్నానని చెప్పి, మీ మొబైల్ నంబర్ను నిలిపేస్తామని బెదిరిస్తే.. అది తప్పకుండా మోసపూరిత కాల్ కావచ్చు. ఏదో ఎరగా మార్చి డబ్బులు దండుకునే కుట్ర అయివుం డవచ్చనిపిస్తోంది. మీరేమంటారు.

- అంపిలి విజయకుమార్, విశాఖపట్నం

అవును విజయారూ ఆ తరహా మోసగాళ్ల కాల్స్ ఈ మధ్య విపరీతంగా పెరిగాయి, ఈ తరహా మోసపూరిత కాల్స్ గురించి ప్రజలను హెచ్చరిస్తూ.. కేంద్ర కమ్యూనికేషన్స్ మంత్రిత్వ శాఖ ఒక సలహా పత్రం జారీ చేసింది. అలాంటి కాల్స్ ద్వారా సైబర్ నేరగాళ్లు ప్రజల వ్యక్తిగత సమాచారాన్ని దొంగిలిస్తారని, తద్వారా సైబర్ నేరాలు లేదా మోసాలకు పాల్పడవచ్చని మంత్రిత్వ శాఖ హెచ్చరించింది. అంతేకాదు, మీ మొబైల్ నంబర్ను అసాంఘిక కార్యకలాపాలకు ఉపయోగించారని చెప్పి భయపెడుతున్నట్లు తమ దృష్టికి వచ్చిందని వెల్లడించింది. టెలికమ్యూనికేషన్స్ డిపార్ట్మెంట్ అధికారిని అని చెప్పుకుంటూ, తన మొబైల్ నంబర్ను డిస్కనెక్ట్ చేస్తామని బెదిరిస్తున్న కాల్స్ తమకు వస్తున్నాయని చాలా మంది ప్రజలు కేంద్రానికి ఫిర్యాదులు చేశారు. దీంతో, పౌరులకు జాగ్రత్తలు చెబు తూ కమ్యూనికేషన్ల మంత్రిత్వ శాఖ ఈ ప్రకటన విడుదల చేసింది. 092తో ప్రారంభ మయ్యే నంబర్లు సహా ఏ విదేశీ నంబర్ల నుంచి మామూలు కాల్స్ లేదా వాట్సాప్ కాల్స్ వచ్చినా జాగ్రత్తగా వ్యవహరించాలని టెలికమ్యూనికేషన్స్ విభాగం స్పష్టం చేసింది. సదరు కాలర్ ప్రభుత్వ అధికారిగా నటిస్తూ వినియోగదార్లను మోసం చేస్తున్నట్లు తెలిపింది.