సినిమా రివ్యూ

విశాల్ కథానాయకుడిగా నటించిన తాజా సినిమా 'రత్నం'. దీనికి హరి దర్శకత్వం వహించారు. 'భరణి', 'పూజ' చిత్రాల తర్వాత వీళ్లిద్దరి కలయికలో తెరకెక్కిన మూడో చిత్రమిది.

విశాల్ కథానాయకుడిగా నటించిన తాజా సినిమా 'రత్నం'. దీనికి హరి దర్శకత్వం వహించారు. 'భరణి', 'పూజ' చిత్రాల తర్వాత వీళ్లిద్దరి కలయికలో తెరకెక్కిన మూడో చిత్రమిది. దేవి శ్రీ ప్రసాద్ సంగీతం అందించారు. తెలుగు, తమిళ భాషల్లో ఈ రోజు విడుదల అయ్యింది. యాక్షన్ డ్రామాగా తెరకెక్కిన ఈ సినిమా ఎలా ఉంది? అనేది రివ్యూలో చూడండి.

కథ : చిత్తూరులో రత్నం (విశాల్)కి ఎదురులేదు. ఎవరికైనా అన్యాయం జరిగితే ఒక్క నిమిషం ఆలస్యం చేయడు. రంగంలోకి దిగుతాడు. హత్య చేయడానికి వెనుకాడడు. ఎమ్మెల్యే పన్నీర్ స్వామి (సముద్రఖని) అండ ఉండటంతో పోలీసులు రత్నాన్ని ఏమీ చేయరు. ఓ రోజు మల్లిక (ప్రియా భవానీ శంకర్)ను చూస్తాడు రత్నం. ఆమెను ఎక్కడో చూసినట్టు ఉందని చెబుతాడు. ఆమెపై హత్యాయత్నం జరిగితే ప్రాణాలకు తెగించి కాపాడతాడు.ఆ తర్వాత ఆమెకు తమిళనాడులోని లింగం (మురళీ శర్మ) బ్రదర్స్ నుంచి ముప్పు ఉందని తెలుసుకుంటాడు.లింగం బ్రదర్స్ ఎవరు? వాళ్లకు, మల్లికకు గొడవ ఏమిటి? రత్నం తల్లి రంగనాయకి ఎవరు? ఆమె ఎలా మరణించింది? లింగం బ్రదర్స్ మీద రత్నం పగకు, వాళ్లను చంపడానికి రంగనాయకి ఎలా కారణం అయ్యింది? చివరకు ఏమైంది? అనేది సినిమా.