అత్యంత స్పష్టమైన భవిష్యత్తు భాష మన సంస్కృతమే!

భారత భాషలకు తల్లి వంటిది సంస్కృతం. భారత దేశ 23 అధికార భాషల్లో సంస్కృతం ఒకటి. పరమేశ్వరుడి డమరుక నాదం నుంచి ఉ ద్భవించిన శబ్ద బ్రహ్మమే సంస్కృతం.

- డా: బుర్ర మధుసూదన్ రెడ్డి 9949700037

భారత భాషలకు తల్లి వంటిది సంస్కృతం. భారత దేశ 23 అధికార భాషల్లో సంస్కృతం ఒకటి. పరమేశ్వరుడి డమరుక నాదం నుంచి ఉ ద్భవించిన శబ్ద బ్రహ్మమే సంస్కృతం. హిందూ క్యాలెండర్ ప్రకారం ప్రతి ఏట శ్రావణ మాస పూర్ణిమ తిథి రోజున, అనగా 19 ఆగష్టు 2024 ప్రపంచ దేశాలు "ప్రపంచ సంస్కృత దినం”, “విశ్వ సంస్కృత దినం”, “అంతర్జాతీయ సంస్కృత దినం" నిర్వహించుట 1969 నుంచి ఆనవాయితీగా మారింది. భారత ప్రభుత్వం చొరవతో ప్రారంభించబ డిన సంస్కృత దినం ఈ రోజున భారత దేశవ్యాప్తంగా రాఖీ పౌర్ణమి లేదా రక్షాబంధన్ కూడా ఘనంగా పాటించడం కొనసాగుతున్నది. ఆది అంతం లేని సంస్కృతం భారత దేశ పవిత్ర భాషగా పేరొందింది.వైజ్ఞానిక, గణిత, సాహిత్య, తత్వ శాస్త్రాలకు పునాదిగా ఉన్న అత్యంత పురాతనమైన (3500 ఏండ్ల పురాతన) సంస్కృత భాష ఇతిహాసాలు, భగవద్గీత, పురాణాలు, వేదాలు, పూర్వకాల రచనలకు ఆధారమైంది. భగవంతుడు సంస్కృత భాషను సృష్టించి రుషులకు అందించాడని చాలా మంది విశ్వసిస్తున్నారు. నేడు ప్రపంచవ్యాప్తంగా 10 లక్షలకు పైగా సంస్కృతాన్ని అనర్గళంగా మాట్లాడే జనులున్నారు.