నూతన సచివాలయం ప్రారంభించడం నా ఆదృష్టం

సెక్రెటేరియేట్ ప్రారంభం అనంతరం మీడియాతో సీఎం కేసీఆర్

సెక్రెటేరియేట్ ప్రారంభం అనంతరం మీడియాతో సీఎం కేసీఆర్ 

తన చాంబర్లో మధ్యాహ్నం 1:30కి తన సీట్లో కూర్చున్న సీఎం..

ఆరు ఫైళ్లపై సంతకం చేసి పరిపాలన ప్రారంభించిన కేసీఆర్

“పోడు భూముల” దస్త్రంపై తొలి సంతకం..

అనంతరం మత్రులకు, సీఎస్కు చాంబర్ల కేటాయింపు..

హైదరాబాద్, 30 ఏప్రిల్ (ఆదాబ్ హైదరాబాద్) : కొత్తగా నిర్మించిన సెక్రటేరియట్ ను తెలంగాణ సీఎం కేసీఆర్ ప్రారంభించారు. మంత్రులు, ఎమ్మెల్యేలతో కలిసి శిలఫలకాన్ని ఆవిష్కరించారు.కేసీఆర్. ముందుగా హెూమశిల వద్ద యాగ పూర్ణహుతిలో పాల్గొన్న సీఎం ప్రధాన ద్వారం వద్దకు చేరుకుని సచివాలయాన్ని ప్రారంభించారు. అనంతరం ఆరో అంతస్తులోని తన ఛాంబర్ కు ఎలక్ట్రిక్ వెహికిల్ లో చేరుకుని 01: 31 నిమిషాలకు తన సీటులో కూర్చున్నారు. వేదపండితులు కేసీఆర్ కు ఆశీర్వచనం అందించారు. అనంతరం ఆరు ఫైళ్ల పై సంతకాలు చేసి పరిపాలను ప్రారంభించారు కేసీఆర్.

సచివాలయం ప్రారంభించడం నా అదృష్టం : కేసీఆర్ తెలంగాణ పరిపాలనకు గుండెకాయగా, అత్యంత శోభాయమానంగా నిర్మించిన సచివాలయం తన చేతుల మీదుగా ప్రారంభించడం తన జీవితంలో దొరికిన గొప్ప అదృష్టంగా భావిస్తున్నాని ముఖ్యమంత్రి కేసీఆర్ అన్నారు. సచివాలయ నిర్మాణంలో అందరి కృషి ఉందని వెల్లడించారు.సచివాలయ తరహాలోనే తెలంగాణ పల్లెలు కూడా వెలిగిపోతున్నాయని చెప్పారు. హైదరాబాద్లో నూతన నిర్మించిన సెక్రటేరియట్ ప్రారంభోత్సవం అనంతరం ఏర్పాటు చేసిన సభలో సీఎం కేసీఆర్ మాట్లాడారు. పెద్ద పోరాటం తర్వాత తెలంగాణ రాష్ట్రం ఏర్పడిందని సీఎం కేసీఆర్ వ్యాఖ్యానించారు.సమైక్య పాలనలో తెలంగాణలో చాలా విధ్వంసం జరిగిందన్నారు. వ్యవసాయానికి నీళ్లు వచ్చేవి.కాదన్నారు. ప్లానింగ్ కమిషన్ ఆఫ్ ఇండియాలో కూడా హైదరాబాద్ మినహా అన్ని జిల్లాలను వెనుకబడిన జిల్లాల్లో చేర్చారని అన్నారు. ఈ రోజు తెలంగాణ సాధించిన ప్రగతిలో ప్రతి ఒక్కరి కృషి ఇమిడి ఉందని, అనేక విభాగాలు కలిసి పని చేయడం వల్లే ప్రగతి సాధ్యమైందని చెప్పారు.