ఆ భూమితో భజన సంఘానికి సంబంధం లేదు

• సర్వే నం. 504/1 మాత్రమే దేవాదాయ భూమి  • సర్వే నం. 504/అ తో మాకు సంబంధం లేదు 

ఎండోమెంట్ అసిస్టెంట్ కమిషనర్ సులోచన

• సర్వే నం. 504/1 మాత్రమే దేవాదాయ భూమి 

• సర్వే నం. 504/అ తో మాకు సంబంధం లేదు 

• దేవాదాయ భూమిపై కోర్టులో కేసులు

• భజన సంఘలకు, భక్తి సంఘాలకు హక్కులు లేవు

• భూమి తరపున కేసులేసే ఆర్హత వారికి లేదు

• శ్రీకృష్ణ ఆలయానికి అనుమతి ఇవ్వలేదు 

• ప్రైవేట్ భూమితో హద్దులకు సర్వేకు పంపాము 

• అబద్దాలు ప్రచారం చేసే సూడో సంఘాల పట్ల అప్రమత్తంగా ఉండాలి.

• ఆ అడ్వకేట్కు, ఆ సంఘానికి వేలం పాటతో, భూమితో సంబంధం లేదు : అసిస్టెంట్ కమిషనర్

హైదరాబాద్ 05 ఆగస్టు (ఆదాబ్ హైదరాబాద్) : ఖమ్మం నగరంలో హాట్ కేకులా ఉన్న భక్తాంజనేయ స్వామికి చెందిన భూమిగా వివాదంలో ఉన్న భూమి గురించి ఎండోమెంట్ అసిస్టెంట్ కమిషనర్ సులోచన నోరు విప్పారు. ఈ స్థలం పై జరుగుతున్న పలు వివాదాస్పద అంశాల పై ఆదాబ్ ప్రతినిధులు అసిస్టెంట్ కమిషనర్ను కలిసిన సందర్భంలో పలు ఆసక్తికర ఆంశాలు తెలిపారు. గత నెల 24న దేవాదాయ శాఖ ఆ భూమికి వేలం వేసి లక్షన్నర ఆదాయం వచ్చినట్టు ప్రకటించింది. కాగా ఇదే భూమి పై ఇప్పటికే పలు కేసులు ఉన్నట్టుగా దేవాదాయ అధికారులు గతంలో ప్రకటించిన నేపద్యంలో ఈ అప్రకటిత వేలం ఎలా సాధ్యమైందన్న విషయం తెలుసుకునే క్రమంలో ఆదాబ్ టీం అసిస్టెంట్ కమిషనర్ను కలిసింది. ఖమ్మం నగరంలో టేకులపల్లి గ్రామంలో గల భక్తాంజనేయ స్వామి ఆలయానికి పూజా కైంకర్యాలకు ఆ భూమిని బహుమతి ఇచ్చినట్టుగా తమకు సమాచారం ఉందని అసిస్టెంట్ కమిషనర్ తెలిపారు. కాగా ఈ భూమి పై ఇప్పటికే కోర్టులో కేసులు పెండింగ్లో ఉన్నాయన్నారు.