కండువాల పండుగ.....

• నాయకులకు కండువాల పండగ..నేతన్నలకు ఉపాధి పండగ

• నాయకులకు కండువాల పండగ..నేతన్నలకు ఉపాధి పండగ

• పొద్దునో పార్టీ..రాత్రికో పార్టీ మారుతున్న జెండాలు, కండువాలు...

• కాలు కదపకుండానే జెండాలు ఆన్ లైన్ షాపులో మీముందుకు..

తెలంగాణ అసెంబ్లీ ఎన్నికలు ఈసారి చాలా ప్రత్యేకంగా మారాయి. గతంలో ఎన్నడూ లేనంతగా ఈసారి ఫిరాయింపులు జరుగుతున్నాయి. ఒక్కొకరు కనిష్టంగా ఒకటి, గరిష్టంగా రెండు పార్టీల్లోకి మారుతున్నారు. మారిన వాళ్లే మళ్లీ మళ్లీ మారిపోతున్నారు. ఈ క్రమంలో వారి మెడలో కండువాలు కూడా మారిపోతు న్నాయి. ఆ కండువాల ఆర్డర్లతో చేనేత కార్మికులకు ఉపాధి అయితే పెరిగింది.  ఎన్నికలేవైనా జెండాలు, పార్టీ కండువాలకు సిరిసిల్ల బాగా ఫేమస్. రెండు తెలుగు రాష్ట్రాలకు ఇక్కడినుంచి కండువాలు, జెండాలు సప్లయ్ చేస్తుంటారు. ఎలక్షన్ సీజన్లో కోట్ల రూపాయల్లోనే వ్యాపారం జరుగుతుంది.ఈ ఏడాది బిజినెస్ పెరిగిందని అంటున్నారు మాస్టర్ వీవర్స్. సిరిసిల్లలో 35వేలకు పైగా మరమగ్గాలు, వేల సంఖ్యలో కార్మికులు ఉన్నారు. మొత్తంగా ఈ ఏడాది ఎలక్షన్ సీజన్ లో సుమారు రూ.5కోట్ల వరకు వ్యాపారం జరిగే అవకాశముందని ఒక అంచనా.