టీఎస్సీసీడీసీలో రిటైర్డ్ వృద్ధ జంబుకాలు

పదవీ విరమణ పొందినా అందులోనే తిష్ట ఆయాచితంగా పదవులు కట్టబెట్టిన కేసీఆర్ వారికి దళిత బంధు స్కీం బాధ్యతలు

ఒక్కొక్కరికి రూ.84వేల జీతాలిస్తూ కొలువులోకి..

అడ్డగోలు నిర్ణయాలు తీసుకున్న వృద్ధ జంబుకాలు

కొత్త సర్కార్ నజర్ పెడితే వీరి అసలు లీలలు బయటపడే ఛాన్స్

హైదరాబాద్ 18 జనవరి (ఆదాబ్ హైదరాబాద్ : తెలంగాణ షెడ్యూల్డ్ క్యాస్ట్స్ కో-ఆపరేటివ్ డెవలప్ మెంట్ కార్పొరేషన్ (టీఎస్సీసీడీసీ)లో రిటైర్డ్ వృద్ధ జంబుకాలు పాతుకుపోయాయి. మాజీ ముఖ్యమంత్రి కేసీఆర్ చలువుతో ప్రభుత్వం మారినా.. అక్కడే తిష్టవేసి తమ మార్క్ రాజకీయాన్ని చూపించుకుంటున్నాయి. గత ప్రభుత్వ హయాంలో కీలకంగా పని చేసిన ఈముగ్గురు అధికారులు ఇప్పటికీ టీఎస్సీసీడీసీని వదలడం లేదు. గత బీఆర్ఎస్ సర్కార్ లో ప్రభుత్వ ప్రత్యేక కార్యదర్శిగా పనిచేసిన టి. విజయ్ కుమార్, పశుసంవర్ధక శాఖలో డైరెక్టర్ గా పనిచేసిన వి.లక్ష్మారెడ్డి, మరో కీలక అధికారిగా వర్క్ చేసిన వేణుగోపాల్ రావులు ఎప్పుడో రిటైర్ అయ్యారు. విజయ్ కుమార్ మే 31, 2023న పదవీ విరమణ పొందారు. అలాగే వి. లక్ష్మారెడ్డి జులై 31,2023న, మరో అధికారి వేణుగోపాల్ రావు సెప్టెంబర్ 30,2023న రిటైర్ అయ్యారు.