అవినీతి అధికారిపై కరుణ

• అవినీతి అధికారిని అందలమెక్కించిన కమిషనర్  • క్వాల్టీ ఆషురేన్స్కు కన్నం వేసిన అధికారి కె. నిరంజన్ 

కె. నిరంజన్ (ఫైల్ఫోటో)

• ఉన్నతాధికారుల అండదండలతో పదవులు

• కమిషనర్ హెల్త్ ఫ్యామిలీ వెల్ఫేర్లో అవకతవకలు 

• ఎన్హెచ్ఎం ఐఈసీ మెటీరియల్లో రూ.20కోట్ల 40 లక్షల 

• కుంభకోణం కుంభకోణంలోని అవినీతి సొమ్మును రికవరీ చేయాలి

• ఎన్హెచ్ఎంలోని కుంభకోణాలపై ప్రభుత్వం దృష్టి సారించాలి..

• అప్పటి ఆరోగ్యశాఖ కమిషనర్ వాకాటి కరుణ నిరంజన్ ను నియమించడంలో పాత్ర ఏమిటి..?

వాకాటి కరుణ (ఫైల్ఫోటో)

హైదరాబాద్ 08 ఫిబ్రవరి (ఆదాబ్ హైదరాబాద్: తెలంగాణ రాష్ట్ర వైద్య, ఆరోగ్య మరియు కుటుంబ సంక్షేమ శాఖలో రోజుకో వింత చోటు చేసుకుంటోంది. రాష్ట్ర వైద్య, ఆరోగ్య మరియు కుటుంబ సంక్షేమ శాఖలోని నేషనల్ హెల్త్ మిషన్ లో క్వార్టీ అషురేన్స్ విభాగంలో చోటు చేసుకుంటున్న వింతలు అంత ఇంత కావు. నీరు, నిధులు, నియమకాల్లో భాగంగా ఎంతో మంది పోరాట యోధుల ఫలితంగా ఏర్పడిన తెలంగాణ రాష్ట్రంలో ఆంధ్ర పెత్తందారుల పోకడలు, ఆదేశాలు కొనసాగుతూనే ఉన్నాయి. అన్ని ఉన్న అల్టుడి నోట్లో శనిలా మారింది. అవుట్ సోర్సింగ్ ఉద్యోగిగా చేరి ఉన్నతాధికారుల అండదండలతో నేషనల్ హెల్త్ మిషన్లోని క్వార్టీ అషురేన్స్ విభాగానికి ప్రోగ్రాం ఆఫీసర్గా ఎదిగాడు కె.నిరంజన్ కుమార్. రాష్ట్ర వైద్య ఆరోగ్య మరియు కుటుంబ సంక్షేమ శాఖ కమిషనరే నేషనల్ హెల్త్ మిషన్ డైరెక్టర్ గా ఉండడం జరుగుతుంది. రాష్ట్రంలోని ప్రభుత్వ ఆసుపత్రుల్లో ఉన్న వసతులు, సౌకర్యాల కల్పన, రోగికి అందిస్తున్న మందుల నాణ్యత, ట్రీట్మెంట్ విధానం, చికిత్స పొందుతున్న ఓ రోగి నుండి మరో రోగికి వ్యాధులు ప్రబలకుండా తీసుకోవాల్సిన జాగ్రత్తలపై, వివిధ అంశాలపై ఆరా తీయడం, అవసరమైన సూచనలివ్వడం ఎన్ హెచ్ ఎం లోని క్వార్టీ అషూరేన్స్ విభాగం ముఖ్య ఉద్దేశ్యం.