సర్కార్ భూములు ఫర్ సేల్

• అమీన్ పూర్లో ప్రభుత్వ భూమిని నోటరీలతో అమ్ముతున్న అక్రమార్కులు..

• అక్రమార్కులకు సహకరిస్తున్న గవర్నమెంట్ ప్లీడర్పై దృష్టి సారించండి

• సర్వే నెం. 993లో 423ఎకరాల సర్కారు భూమి

• కనీసం వంద ఎకరాలు కానరానీ పరిస్థితి

• తాజాగా 6ఎకరాలను మాయం చేస్తున్న అక్రమార్కులు

• అప్పట్లో భూమిలేని నిరుపేదలకు ఇచ్చిన గవర్నమెంట్

• పేదోళ్లకు ఇచ్చిన భూమిని లాగేసుకుంటూ దౌర్జన్యం

• అక్రమ నిర్మాణాలను కూల్చివేసిన అప్పటి ఎమ్మార్వో

• దొంగ డాక్యుమేంట్లతో కోర్టును సైతం తప్పుదోవ

• నలుగురు వ్యక్తులు కలిసి 2016లో రిజిస్టర్

• భూమిని అమ్ముతుంటే అండగా నిలుస్తున్న ఎమ్మార్వో

• నోటరీలతో ప్రజలను మోసగిస్తున్న అక్రమార్కులు

హైదరాబాద్ 21 జూలై (ఆదాబ్ హైదరాబాద్) : అత్త సొమ్ము అల్లుడు దానం చేసినట్టు కొందరు అక్రమార్కులు ప్రభుత్వ భూములపై కన్నేసి వాటిని చెరబడుతున్నారు. తప్పుడు ధృవపత్రాలు సృష్టిస్తూ తమదని చెప్పుకుంటూ ప్లాట్లు చేసి అమ్ముకుంటున్నారు. ప్రభుత్వ అధికారులు సైతం వీళ్లకు అండగా నిలువడం ఆశ్చర్యానికి గురిచేస్తోంది. గత బీఆర్ఎస్ ప్రభుత్వ హయాంలో తెలంగాణలో చాలా చోట్ల అసైన్డ్ భూములపై అక్రమార్కులు కన్నేసి కాజేశారు. చెట్లు, పుట్టలు, గుట్టలను కబ్జాచేసి ప్రభుత్వ భూములు లేకుండా చేశారు. పాలకుల ఫుల్ సపోర్ట్ తో కిందిస్థాయి లీడర్లు సైతం ఖాళీగా జాగలు కనిపిస్తే చాలు వాటిని ఆక్రమించుకున్నారు. ఇప్పుడు కాంగ్రెస్ ప్రభుత్వం రావడంతో కొన్నిచోట్ల బయటపడుతున్నా, ప్రస్తుత మంత్రులు, ఎంపీలు, ఎమ్మెల్యేల వద్దకు వెళ్లి కబ్జా ల్యాండ్లు గురించి సెటిల్ మెంట్ చేసుకుంటున్నారు. ఆక్రమణదారులకు ప్రభుత్వ అధికారులు సైతం ఫుల్ సపోర్ట్ చేయడం విశేషం. అటు పాలకులు, ఇటు ఆఫీస రెచ్చిపోతున్నారనేది జగమెరిగిన సత్యం.