సాంప్రదాయబద్దంగా సాగుతున్న బతుకమ్మ ఉత్సవాలు

బతుకమ్మ వేడుకల గురించి ప్రత్యేకంగా చెప్పాల్సిన అవసరం లేదు.తెలంగాణ రాష్ట్ర వ్యాప్తంగా జరిగే బతుకమ్మ వేడుకలకు ఎంతో ప్రత్యేకత ఉంది. ఇక హైదరాబాద్ నగర మహిళల జీవితంలో బతుకమ్మ వేడుకలు భాగమయ్యాయి.

హైదరాబాద్, 06 అక్టోబర్ (ఆదాబ్ హైదరాబాద్): బతుకమ్మ వేడుకల గురించి ప్రత్యేకంగా చెప్పాల్సిన అవసరం లేదు.తెలంగాణ రాష్ట్ర వ్యాప్తంగా జరిగే బతుకమ్మ వేడుకలకు ఎంతో ప్రత్యేకత ఉంది. ఇక హైదరాబాద్ నగర మహిళల జీవితంలో బతుకమ్మ వేడుకలు భాగమయ్యాయి. ఆటకు పాట వేదికైంది.సంస్రృతీ సంప్రదాయాలకు "వెలుగు”ల దీపమైంది. పట్టువస్త్రాలు ధరించిన మహిళలు, కులం లేదు. పేద, ధనిక తేడా లేదు.లయబద్ధంగా పాటలు పాడుతు, చప్పట్లు కోడుతూ, బతుకమ్మ ఆడుతుంటే చూసేందుకు రెండు కళ్లు చాలవు. ఆ దృశ్యం ఆహ్లాదం కలిగిస్తుంది. వినేకొద్ది ఆ పాటలు వినబుద్ధ అవుతుంది.ఇలాంటి కనువిందు చేసే వేడుకలు మన తెలంగాణ ప్రత్యేకం....!! తెలంగాణ రాష్ట్రం ఏర్పడిన తర్వాత అధికారిక పండుగగా బతుకమ్మను గుర్తించారు.

కాకతీయుల కాలం నుంచే.. తెలంగాణ ప్రాంతాన్ని పాలించిన కాకతీయ రాజు గుండన కాలంలో పోలం దున్నుతుండగా గుమ్మడి తోటలో ఓసారి దేవతా విగ్రహాం లభించింది. గుమ్మడి తోటలో లభించడంతో దానికి సంస్కృత పేరైనా 'కాకతమ్మ' అంటూ రాజులు దేవత విగ్రహాన్ని పూజించడం మొదలు పెట్టారట..? కేవలం రాజు వంశమే కాదు, ఆ ప్రాంత ప్రజలు కూడా పూజలు చేయడం మొదలుపెట్టారు. రానురాను విగ్రహాం కన్నా దాని ముందు పూల కుప్పే దేవతా స్వరూపంగా మారి పోయింది. కాలక్రమంలో కాకతమ్మ శబ్దం కాస్త, బతుకమ్మగా మారిఉండవచ్చని పరిశోధకుల మాట. కాకతీయుల సేనాని జాయప సేనాని రచించిన నృత్యరత్నావళిలోని ఒక చిందు, బతుకమ్మ ఆటకు మూలమని పరిశోధకుల అభిప్రాయం.