రియల్టర్ల చెరలో ఎర్రగుంట్ల వాగు

• మాముళ్లు తీసుకొని వెంచర్ నిర్వాహకులకు ఫుల్ సపోర్ట్ • ఉన్నతాధికారులు బాద్యులపై చర్యలు తీసుకోవాలని రైతుల డిమాండ్

• సురంగల్ వాగుకు అటు, ఇటు మేమే..

• మా వెంచర్లోకి వచ్చిన వాగును పూడ్చేస్తాం.. అది మా ఇష్టం

• ఇక్కడ జడ్జిలున్నరు, పోలీస్ అధికారులున్నారంటున్న రియల్టర్లు

• మమ్మల్ని ప్రశ్నిస్తే అంతే సంగతంటూ అధికారులకు అల్టిమేటం

• తుంగలోకి 111జీవో.. కనుమరుగైన సహజ వాగు..

• 30ఎకరాల చుట్టూ భారీ కాంపౌండ్ వాల్ నిర్మాణం

• ఎంపీవో, పంచాయతీ సెక్రటరీ కుమ్మక్కు

• అవినీతిలో రెవెన్యూ శాఖను మించిపోయిన ఇరిగేషన్ శాఖ

హైదరాబాద్ 24, అక్టోబర్ (ఆదాబ్ హైదరాబాద్): పాలకులు మారిన, కొత్త ప్రభుత్వాలు వచ్చినా, అధికారులు ట్రాన్సఫర్స్ అవుతున్నా ఏం ఆట అంటే ఎప్పటి ఆటలానే ఉంది. తెలంగాణ రాష్ట్రంలో అన్నదాతలు అరిగోస పడుతున్నారు. భూములు సాగుచేసుకునే రైతులను రియల్టర్లు ముప్పు తిప్పలు పెడుతున్నారు. ఏళ్ల క్రితం నుంచి ఉన్న చెరువులు, కుంటలు, వాగులను పొతం పెట్టే పనిలో అక్రమార్కులు ఉన్నారు. ప్రత్యేక రాష్ట్రం వచ్చిన తర్వాత హైదరాబాద్ సహా చుట్టూ ఉన్న రంగారెడ్డి, మహబూబ్ నగర్, మెదక్ ఉమ్మడి జిల్లాలలో భూముల ధరలు అమాంతం పెరిగిపోయాయి. ఈ నేపథ్యంలో భూబకాసురులు ఎక్కడ, ఏం ఖాళీగా కనిపించిన కబ్జాచేసే పనిలో పడుతున్నారు. వ్యవసాయ భూములను అత్తెసరుకు కొనుగోలు చేస్తున్న రియల్టర్లు వెంచర్లు చేసి కోట్ల రూపాయలు గడిస్తున్నారు.