పడవ ప్రమాదం

ముంబై తీరంలో ఘోర విషాదం స్పీడ్ బోటు ఢీ కొని నీట మునిగిన ఫెర్రీ ప్రమాదంలో 13 మంది దుర్మరణం మృతుల్లో 10 మంది పౌరులు, ముగ్గురు నేవీ అధికారులు సంతాపం తెలిపిన రాష్ట్రపతి ముర్ము

ముంబై, 18 డిసెంబర్ (ఆదాబ్ హైదరాబాద్): మహారాష్ట్రలో పడవ ప్రమాదం జరిగింది. ముంబ్కె తీరంలో వెళ్తున్న ఓ ఫెర్రీ నౌకను.. సముద్రంలో వెళ్తున్న ఓ స్పీడ్ బోట్ అతివేగంతో వచ్చి ఢీకొంది.ఈ ఘటనలో ఫెర్రీ నౌక మునిగిపోయింది. ఈ ప్రమాదంలో మృతుల సంఖ్య 13కు పెరిగింది.ప్రమాద సమయంలో పడవలో మొత్తం 114 మంది ప్రయాణికులు ఉండగా.. వారిలో 101 మంది నేవీ, కోస్ట్ గార్డు సిబ్బంది రక్షించారు. మరణించిన 13 మందిలో 10 మంది పౌరులు, ముగ్గురు నేవీ అధికారులు ఉన్నారు. బుధవారం మధ్యాహ్నం 3.55 గంటలకు ముంబై సమీపంలోని బుచర్ ఐలాండ్ దగ్గర ఈ ప్రమాదం చోటుచేసుకుంది.