கிச்சனில் தொடங்கும் பிரச்னைகள்

எந்த கெட்டப் பழக்கமும் இல்லாமல் புற்றுநோய் வருவது எப்படி?

Here is the text with fixed word spacing:

---

பண்டைய காலத்தில் நமது முன்னோர்கள் வாழ்ந்த வாழ்க்கை முறைக்கும் அறிவியலுக்கும் மிக நெருங்கிய தொடர்பு உண்டு. மேலும் அவர்கள் வாழ்ந்த வாழ்க்கை முறை மற்றும் உணவு முறையில் எண்ணற்ற மருத்துவ முறைகள் இருந்தன. பெண்கள் ஆட்டுக்கல்லில் மாவு அரைத்தல், முறத்தால் அரிசி படைத்தல், கிணற்றில் தண்ணீர் இறைப்பது, அம்மி கல்லில் மசாலா அரைத்தல், தண்ணீர் குடத்தை இடுப்பில் சுமந்து வருவது, துணி துவைப்பது உள்ளிட்ட அனைத்து வேலைகளுக்கும் பின்பும் மருத்துவ ரீதியான விளக்கங்களும் யோகாவில் வரும் சில ஆசன முறைகளும் அடங்கும்.

ஆனால், நாகரிகம் வளர வளர முன்னோர்கள் எதனை மருந்தாக பயன்படுத்தினார்களோ, எதை உடற்பயிற்சியாக பயன்படுத்தினார்களோ, அதை அனைத்தையும் இன்றைய காலகட்ட மனிதர்கள் மாற்றினார்கள். அதற்கு பெயர் நாகரிகம் எனவும் விஞ்ஞானம் வளர்ந்து விட்டது எனவும் பெயர் வைத்தார்கள். மெய்ஞானம் கொண்ட நம் முன்னோர்கள் நமக்கு விட்டுச் சென்ற பலவற்றையும் இழந்து விட்டோம், மருந்து, மாத்திரைகளுடன் தற்போது மருத்துவமனை மருத்துவமனையாக ஏறி இறங்கி வருகிறோம். இதற்கு காரணம், நாம் நம்மை மாற்றிக் கொண்ட வாழ்க்கை முறை மட்டும் மாறுகிறது. ஒருவருடைய வாழ்க்கை முறை மாறும்போது அவருடைய கலாச்சாரம், உணவு பழக்க வழக்கம் உள்ளிட்ட அனைத்தும் மாறுகிறது. இதனால் ஏதாவது நன்மை ஏற்படுகிறதா என்றால் கண்டிப்பாக கிடையாது. சில வேலைகள் எளிமையாக முடிகின்றன, அவ்வளவுதான்.

நமது முன்னோர்கள் எழுபது வயது வரை நோய் இல்லாமல் வாழ்ந்தார்கள். 90 வயது வரை அடுத்தவர்கள் உதவியோடு வாழ்ந்தார்கள். ஆனால், இன்றைக்கு 40 வயதில் இருந்தே மருந்து, மாத்திரைகளுடன் 60 வயதை தொடுவதற்குள் படாத பாடுபட வேண்டி உள்ளது.

இவ்வாறு நாம் முன்னோர்கள் விட்டுச் சென்ற பல நல்ல விஷயங்களை நாம் மறந்து விட்டோம். மாற்றி விட்டோம். அதன் விளைவு தற்போது அனுபவித்து கொண்டிருக்கிறோம்.