சாலை விரிவாக்கம் செய்வது எப்போது?

மதுராந்தகம், அக்.2: செங்கல்பட்டு முதல் ஆத்தூர் சுங்கச்சாவடி வரையிலான தேசிய நெடுஞ்சாலையில் தொடர் விபத்துக்களை தவிர்க்க சாலையை விரிவாக்கம் செய்வது எப்போது என வாகன ஓட்டிகள், பொதுமக்கள் எதிர்ப்பார்ப்பில் உள்ளனர்.

செங்கல்பட்டு, மதுராந்தகம், மேல்மருவத்தூர், அச்சிறுப்பாக்கம் பகுதிகளில் அமைந்துள்ள சென்னை - திருச்சி தேசிய நெடுஞ்சாலை நான்கு வழி சாலையாக உள்ளது. இந்த சாலையில் அவ்வப்போது அதிகளவில் விபத்துக்கள் நிகழ்ந்து கொண்டிருக்கின்றன. ஒவ்வொரு விபத்திலும் நான்கு பேர், ஐந்து பேர் என தொடர்ந்து உயிரிழப்பு தொடர் கதையாகி வருகிறது. இதனால் பல குடும்பத்தினரும் அவர்களின் உறவினர்களும் கடுமையாக பாதிக்கப்பட்டு வருகின்றனர். கடந்த சில மாதங்களுக்கு முன்பு அச்சிறுப்பாக்கம் அருகே சிறு நாகலூர் என்ற இடத்தில் சாவை ஓரம் நிறுத்தப்பட்டிருந்த வாரி ஒன்றின் மீது அவ்வழியாக வந்த தனியார் பேருந்து மோதியதில் பேருந்தில் பயணம் செய்த கல்லூரி மாணவர்கள் நான்கு பேர் உயிரிழந்தனர்.