70வது தேசிய திரைப்பட விருதுகள் ‘திருச்சிற்றம்பலம்’ படத்துக்கு விருது வழங்கினார் ஜனாதிபதி

இந்திய திரைப்படங்களையும், கலைஞர்களையும் உற்சாகப்படுத்தி கவுரவிக்கும் விதமாக, ஆண்டுதோறும் ஒன்றிய அரசால் தேசிய விருது வழங்கப்பட்டு வருகிறது.

அந்தவகையில் கடந்த 2022ம் ஆண்டுக்கான 70வது தேசிய திரைப்பட விருதுகள் அறிவிக்கப்பட்டு இருந்தது. அந்த விருதுகளை வழங்கும் விழா நேற்று நடந்தது. சிறந்த படத்துக்கான விருது ‘ஆட்டம்’ என்ற மலையாளப் படத்துக்கும், சிறந்த தமிழ்ப் படமாக ‘பொன்னியின் செல்வன் 1’ என்ற படமும், சிறந்த மலையாளப் படமாக ‘சவுதி வெள்ளக்கா’ என்ற படமும், சிறந்த கன்னடப் படமாக ‘கேஜிஎஃப் 2’ என்ற படமும், சிறந்த இந்திப் படமாக ‘குல்மோஹர்’ என்ற படமும் தேர்வு செய்யப்பட்டு விருது வழங்கப்பட்டது. சிறந்த பொழுதுபோக்குப் படமாக ‘காந்தாரா’ என்ற கன்னடப் படம் தேர்வு செய்யப்பட்டது.