7275 கோடி செலவில் அமைக்கப்பட்டு வரும் திருவொற்றியூர் சூரை மீன்பிடி துறைமுகம் டிசம்பர் இறுதியில் பயன்பாட்டிற்கு திறப்பு

சென்னை எண்ணூர் முதல் காசிமேடு வரை உள்ள கடலோர மீனவர்கள், காசிமேடு மீன்பிடி துறைமுகப் பகுதியில் இருந்து விசைப்படகு, பைபர் படகுகள் மூலம் கடலுக்கு மீன்பிடிக்க செல்கின்றனர்.

இந்த மீனவர்களின் சுமார் 1500க்கும் மேற்பட்ட படகுகள், காசிமேடு மீன்பிடி துறைமுகத்தில் நிறுத்தி வைக்கப்படுகின்றன. சிறிய இடத்தில் அதிகப்படியான விசைப்படகுகள் நிறுத்தப்பட்டதால் கடும் நெரிசல் ஏற்பட்ட பல்வேறு இன்னல்களை மீனவர்கள் சந்தித்து வருகின்றனர்.

குறிப்பாக, பல்வேறு பகுதிகளில் இருந்து தினசரி விற்பனைக்காகவும், வீட்டு பயன்பாட்டிற்காகவும் மீன், இறால், நண்டு போன்றவற்றை வாங்க வரும் நூற்றுக்கணக்கான வியாபாரிகள், பொதுமக்கள் போதிய அடிப்படை வசதியின்றியும், நெரிசலிலும் சிக்கி சிரமப்படுகின்றனர். எனவே, விசைப்படகு மற்றும் பைபர் படகுகளை பாதுகாப்பாகவும், நெரிசல் இல்லாமல் நிறுத்தும் வகையில், மீன் வியாபாரம், மீனவர்கள் மற்றும் பொது மக்களுக்கு தேவையான அடிப்படை வசதிகளுடன் புதிய துறைமுகம் ஏற்படுத்த வேண்டும், என்ற கோரிக்கை எழுந்தது.