சென்னை மீண்டது எப்படி?

மீட்பு நடவடிக்கை என்னென்ன? | மாநகராட்சி விரிவான அறிக்கை

கனமழை பாதிப்புகளில் இருந்து ஒரே நாளில் சென்னை மீண்டது எப்படி, அதற்காக எடுக்கப்பட்ட மீட்பு நடவடிக்கைகள் என்னென்ன என்பது குறித்து விரிவான அறிக்கையை சென்னை மாநகராட்சி வெளியிட்டுள்ளது.

தமிழகத்தில் வட கிழக்கு பருவமழை தொடங்கிய நிலையில், சென்னையில் கனமழை வெளுத்து வாங்கியது. இதனால் தெருக்களில் வெள்ளம் நீர் பாய்ந்தோடி யது. மழைநீர் வடிகால்கள் மூலம் மழைநீர் வேகமாக வடிந்தது. அதேபோன்று தாழ்வான பகுதிகளில் தேங்கியிருந்த மழைநீரும் மோட்டார் பம்புகள் மற்றும் தூய்மைப் பணியாளர்கள் மூலம் வேகமாக அகற்றப்பட்டது. இதற்கு காரணம், கடந்த சில மாதங்களாக சென்னை மாநகராட்சி எடுத்து வரும் பல்வேறு முன்னெச்சரிக்கை நடவடிக்கைகள் தான்.

மேலும், இந்த ஆண்டு டிசம்பர் வரை மழை பொழிவு இருக்கும் என்று எதிர்பார்க்கப்படுகிறது. இதனால் தொடர்ந்து சென்னை மாநகராட்சி முன்னெச்சரிக்கை நடவடிக்கைகளை தொடர்ந்து எடுத்து வருகிறது.