ரஷ்யாவில் ஏற்பட்ட திருப்பம் சீரடைகிறதா இந்தியா-சீனா உறவு?

எல்லையில் பதற்றம் தணிகிறது

இந்தியாவுக்கும் சீனாவுக்கு இடையே போர் நடந்து 62 ஆண்டுகள் ஆகிவிட்டது. 1962ல் நடந்த அந்த பயங்கர போர் இரு நாடுகளுக்கு ஒரு மாதமே நீடித்தாலும் அதன் பாதிப்பு இன்று வரை நீடிக்கிறது. போரைத் தொடர்ந்து இந்தியா- சீனா உறவு அதலபாதாளத்துக்கு சென்றது. இந்தியாவின் ஜென்ம விரோதியாக மாறிப்போனது சீனா. இந்த நிலை மாறி உறவு மீண்டும் துளிர்க்க 30 ஆண்டுக்கு மேலாகிப்போனது வரலாறு. தொடர் பேச்சுவார்த்தை காரணமாக 1993 மற்றும் 1996ல் போடப்பட்ட ஒப்பந்தங்களால் எல்லையில் ஓரளவுக்கு அமைதி திரும்பியது. எல்லையில் மோதல்கள் குறைந்தன. இருதரப்பிலும் உயிர் பலியும் நின்றது