ஆட்டம் கண்ட ₹6,500 கோடி கரூர் ஜவுளி வர்த்தகம்

கரூர் என்றாலே ஜவுளி, கொசுவலை மற்றும் பஸ்பாடி கட்டுமானம் போன்ற முக்கிய தொழில்களின் சிறப்பிடமாக விளங்கி வருகிறது.

கரூரில் தயாரிக்கப்படும் கொசுவலைகள் நாட்டின் பல்வேறு மாநிலங்களுக்கு ஏற்றுமதி செய்யப்படுகிறது. தமிழ்நாட்டில் பயன்படுத்தப்படும் கொசுவலைகள் அதிகளவில் கரூரில் தான் தயாரிக்கப்படுகிறது. பஸ்பாடி கட்டுமானத்தை பொருத்தவரை தமிழ்நாடு, ஆந்திரா, கேரளா மற்றும் கர்நாடகா ஆகிய தென் மாநிலங்களில் இருந்து அதிகளவு பஸ்பாடி கட்டுமானம் கரூரில் நடைபெற்று வருகிறது. குறிப்பாக, கரூர் மாநகரம் மூன்று முக்கிய தொழில்களை கொண்டுள்ளதால் லட்சக்கணக்கான தொழிலாளர்கள் நேரிடையாகவும், மறைமுகமாகவும் பயனடைந்து வருகின்றனர்.

தினமும் இந்த தொழில்களை மையமாகக் கொண்டு கரூர் மாநகரத்துக்கு மட்டும் சுற்றுவட்டாரத்தை சேர்ந்த ஆயிரக்கணக்கானோர் வந்து செல்கின்றனர். கைத்தறிக்கு பெயர் பெற்ற நகரமாக இருந்து பின்னர் மெல்ல, மெல்ல மாறி வீட்டு உபயோக ஜவுளி உற்பத்தி மற்றும் ஏற்றுமதிக்கு பெயர் பெற்ற நகரமாக கரூர் விளங்கி வருகிறது.