20 ஆயிரம் மரக்கன்றுகள் நடப்பட்டு பராமரிப்பு

வில்லிவாக்கம் ஊராட்சி ஒன்றியத்தில் உள்ள மோரை ஊராட்சியில் 20 ஆயிரம் மரக்கன்றுகள் நடப்பட்டு பராமரிக்கப்படுகிறது.

மேலும், மாதத்திற்கு சுமார் 100 கிலோ உரம் தயாரிக்கப்பட்டு வருகிறது என மோரை ஊராட்சி தலைவர் கூறியுள்ளார்.

திருவள்ளூர் மாவட்டம் வில்லிவாக்கம் ஊராட்சி ஒன்றியத்தில் மோரை ஊராட்சி உள்ளது. இங்கு கடந்த 2021ம் ஆண்டு, அரசு நிதியிலிருந்து சிறிய அளவில் தோட்டம் அமைக்க வேண்டும் என்று மாவட்ட நிர்வாகம் வேண்டுகோள் விடுத்தது. அதற்கு இணங்க அன்றைய மாவட்ட கலெக்டர் ஆல்பி ஜான் வர்கீஸ் அனுமதி பெற்று மோரை ஊராட்சிக்கு சொந்தமான இடத்தை தேர்வு செய்து, முட்புதர் சூழ்ந்து காணப்பட்ட இடத்தை பொக்லைன் இயந்திரம் மூலம் சுத்தம் செய்யப்பட்டது. இதனை தொடர்ந்து, கடந்த 2021ம் ஆண்டு செப்டம்பர் மாதம் அமைச்சர் சா.மு. நாசர் 2000 மரக்கன்றுகள் நடும் விழாவை துவக்கி வைத்தார்.