பொது நலன் என்ற பெயரில் தனியாரிடம் இருந்து எல்லா சொத்துக்களையும் கையகப்படுத்த முடியாது

புதுடெல்லி: ‘பொது நலனுக்காக எனக் கூறி அனைத்து தனியார் சொத்துக்களையும் அரசு கையகப்படுத்தி விட முடியாது’ என உச்ச நீதிமன்றம் தீர்ப்பளித்துள்ளது.

மகாராஷ்டிரா வீட்டு வசதி வாரியம் கடந்த 1986ம் ஆண்டு, மறுசீரமைப்புக்காக தனியார் சொத்துக்களை அரசு கையகப்படுத்தலாம் என சட்ட திருத்தம் கொண்டு வந்தது. இதை எதிர்த்து மும்பையை சேர்ந்த சொத்து உரிமையாளர்கள் சங்கம் 1992ல் உச்ச நீதிமன்றத்தில் மேல்முறையீடு செய்தது. இது தொடர்பான பல்வேறு வழக்குகள் 2002ல் 9 நீதிபதிகள் கொண்ட அரசியல் சாசன அமர்வுக்கு மாற்றப்பட்டது. இவ்வழக்கு தலைமை நீதிபதி சந்திரசூட் தலைமையிலான 9 நீதிபதிகள் கொண்ட அமர்வில் விசாரிக்கப்பட்ட நிலையில் நேற்று தீர்ப்பு வழங்கப்பட்டது.