வளி மண்டல கீழடுக்கு சுழற்சி எதிரொலி தமிழகத்தில் 6 நாட்கள் கனமழை கொட்டும்

தென்மேற்கு வங்கக் கடல் மற்றும் மன்னார் வளைகுடா பகுதிகளின் மேல் ஒரு வளி மண்டல கீழடுக்கு சுழற்சி நிலை கொண்டுள்ளது.

அதன் காரணமாக கடலோர மாவட்டங்களில் 13ம் தேதி வரையில் ஓரிரு இடங்களில் கனமழை பெய்யும் என்று சென்னை வானிலை ஆய்வு மையம் தெரிவித்துள்ளது.

தமிழகத்தில் ஜூன் மாதம் தொடங்கிய வடகிழக்கு பருவமழை மூலம் குறிப்பிடத்தகுந்த அளவில் மழை பெய்தது. அதன் பிறகு உருவான டானா புயல் ஓடிசா- மேற்கு வங்கம் இடையே கரையைக் கடந்ததால் தமிழகத்தில் எதிர்பார்த்த அளவுக்கு மழை பெய்யவில்லை. டானா புயலுக்கு பிறகு அக்டோபர் மாதத்தில் வேறு பிற புயல்கள் ஏதும் உருவாகாமல் போனதால், தமிழகத்தில் அக்டோபர் மாதம் மழையின்றி கடந்தது.

இந்நிலையில் தற்போது மீண்டும் வட கிழக்கு பருவமழை தீவிரம் அடையத் தொடங்கியுள்ளது. அதன் தொடர்ச்சியாக தென்மேற்கு வங்கக் கடல் பகுதியில் வளி மண்டல கீழ் அடுக்கில் ஒரு காற்று சுழற்சி உருவானது. அது வட மேற்கு திசையில் நகர்ந்து தற்போது தமிழக கடலோரப் பகுதிக்கு நெருங்கி வந்து நிலை கொண்டுள்ளது.