ஆந்திரா மாநிலத்தில் இருந்து கஞ்சா கடத்தி விற்ற சகோதரர்கள் கைது

ஆந்திராவில் இருந்து கஞ்சா கடத்தி வந்து விற்ற அண்ணன், தம்பியை போலீசார் கைது செய்தனர்.

சென்னை முகப்பேர் பகுதியில் உள்ள தனியார் கல்லூரிகளில் மாணவர்களுக்கு "ரெடிட்" என்ற செல் போன் செயலியை பயன்படுத்தி போதைப் பொருள் விற்பனை செய்து, கூகுள்பே மூலம் பண பரிமாற்றம் செய்யப்படுவதாக சைபர் கிரைம் போலீசாருக்கு ரகசிய தகவல் வந்தது.

இதையடுத்து சைபர் கிரைம் போலீசார் தொடர்ந்து தீவிரமாக கண்காணித்து வந்தனர். அப்போது, கல்லூரி மாணவர்களுக்கு போதைப் பொருள் விற்பனை செய்தது உறுதியானது. இது குறித்து சைபர் கிரைம் போலீசார், ஜே.ஜே.நகர் போலீசாருக்கு தகவல் தெரிவித்தனர். அதன்படி கடந்த 4ம் தேதி மாறுவேடத்தில் கல்லூரி அருகில் போலீசார் கண்காணிப்பில் ஈடுபட்டிருந்தனர்.