திருப்புட்குழி ஊராட்சியில் காட்சி பொருளான குடிநீர் சுத்திகரிப்பு இயந்திரம்

காஞ்சிபுரம் அருகே திருப்புட்குழி ஊராட்சியில் பழுதான குடிநீர் சுத்திகரிப்பு இயந்திரத்தை சீரமைத்து பயன்பாட்டிற்கு கொண்டுவர வேண்டும் என்று பொதுமக்கள் கோரிக்கை வைத்துள்ளனர்.

காஞ்சிபுரம் மாவட்டத்தில், மாநில நிதிக்குழு மானியத்தில் 2018-19ம் ஆண்டு 17.96 லட்சம் செலவில் ஊரக பகுதிகளில் தானியங்கி சுத்திகரிக்கப்பட்ட குடிநீர் வழங்கும் திட்டம் தொடங்கப்பட்டது. இத்திட்டத்தின் கீழ் கோனேரிக்குப்பம், தாமல், பாலுசெட்டிசத்திரம், களக்காட்டூர் உள்ளிட்ட பல்வேறு கிராமங்களில் சுத்திகரிக்கப்பட்ட குடிநீர் வழங்கும் இயந்திரம் அமைக்கப்பட்டது.

இந்த இயந்திரத்தில் 5 ரூபாய் நாணயம் போட்டால், 20 லிட்டர் சுத்திகரிக்கப்பட்ட குடிநீர் குழாய் வழியாக வந்து, பின்னர் தானாக தண்ணீர் வருவது நின்றுவிடும். இத்திட்டத்தின் கீழ் அனைத்து பகுதி மக்களும் சுத்திகரிக்கப்பட்ட குடிநீர் பெற்று பயனடைந்தனர்.