சுரங்கம் தோண்டும் பணியில் வாயு கசிவு? மயிலாப்பூர் கச்சேரி சாலையில் கொய்வின்றி பணி - மெட்ரோ ரயில் அதிகாரிகள் தகவல்

சென்னை, நவ.11: கச்சேரி சாலையில் சுரங்கம் தோண்டும் பணியில் வாயு கசிவு ஏற்பட்டுள்ளதாக தகவல் இருப்பினும் சுரங்கம் தோண்டும் பணிகளில் எவ்வித பாதிப்பும் இல்லை என மெட்ரோ அதிகாரிகள் தெரிவித்துள்ளனர்.

சென்னையில் முதல் கட்டத்தில் 54 கிலோ மீட்டர் தொலைவிற்கு இரண்டு வழித்தடங்களில் மெட்ரோ ரயில்கள் இயக்கப்பட்டு வருகிறது.

சென்னையின் வளர்ச்சி மற்றும் முக்கிய பகுதிகளை இணைக்கும் வகையில், 2ம் கட்ட மெட்ரோ ரயில் திட்டம் 3 வழித்தடங்களில் தற்போது செயல்படுத்தப்பட்டு வருகிறது. அதில் 3வது வழித்தடம் 45.8 கிலோ மீட்டர் தூரத்திற்கு மாதவரம் பால் பண்ணை முதல் சிப்காட் வரையிலும், 4வது வழித்தடம் 26.1 கிலோ மீட்டர் தூரத்திற்கு கலங்கரை விளக்கம் முதல் பூந்தமல்லி வரையிலும், 5வது வழித்தடம் 47 கிலோ மீட்டர் தூரத்திற்கு மாதவரம் முதல் சோழிங்கநல்லூர் வரையிலும் 163,246 கோடி மதிப்பில் பணிகள் மேற்கொள்ளப்பட்டு வருகின்றன. இதில் 119 மெட்ரோ ரயில் நிலையங்கள் அமைகிறது.

இந்தப் பணிகளை 2028 இறுதிக்குள் முடித்து, மெட்ரோ ரயில்களை இயக்க இலக்கு நிர்ணயிக்கப்பட்டுள்ளது.

இந்நிலையில் 4வது வழித்தடமான கலங்கரை விளக்கம் முதல் பூந்தமல்லி வரையில் பணிகள் வேகமாக நடைபெற்று வருகிறது.