எல்.ஐ.சி. இணையதளம் இந்தி மொழியில் மாற்றியமைப்பு அரசியல் கட்சி தலைவர்கள் கண்டனம்

ஆயுள் காப்பீட்டு நிறுவனமான எல்ஐசியின் இணையதளப் பக்கம் ஆங்கிலத்தில் இருந்து இந்தி மொழியில் மாற்றி அமைக்கப்பட்டுள்ளது.

இதற்கு, தமிழக அரசியல் கட்சித் தலைவர்கள் பலரும் தங்களது கண்டனங்களைத் தெரிவித்துள்ளனர்.

* அதிமுக பொதுச்செயலாளர் எடப்பாடி பழனிசாமி: எல்ஐசி இணையதளத்தில் இயல்புநிலை மொழியாக இந்தி மாற்றப்பட்டிருக்கிறது. இந்தி மொழி தெரியாத மக்களுக்கு தற்போது எல்ஐசி-யின் இணையதளம் பயன்படுத்த முடியாத அளவிற்கு உள்ளது. எங்கு, எதில் எப்படி இந்தியை திணிக்கலாம் என்ற முனைப்பிலேயே ஒன்றிய அரசு செயல்படுவது கண்டனத்திற்குரியது.