முதல்வர் தலைமையில் திமுக உயர்நிலை செயல் திட்டக் குழு ஆலோசனை ஒன்றிய அரசுக்கு எதிராக கண்டன தீர்மானம்

திமுகவினர் உடனே சட்டப் பேரவை தேர்தல் பிரசார பணிகளை தொடங்க அறிவுரை

முதல்வர் தலைமையில் நடைபெற்ற திமுக உயர்நிலை செயல் திட்டக் குழு ஆலோசனை கூட்டத்தில், ஒன்றிய பாஜ அரசின் மக்கள் விரோத செயல்பாடுகளுக்கு கண்டனம் தெரிவித்து தீர்மானம் நிறைவேற்றப்பட்டது. மேலும், திமுகவினர் உடனே சட்டப் பேரவை தேர்தல் பிரசார பணிகளை தொடங்கவும் தீர்மானம் நிறைவேற்றப்பட்டது.

சட்டப்பேரவை தேர்தலுக்கு இன்னும் 15 மாதங்கள் மட்டுமே உள்ள நிலையில், கட்சிப் பணிகளை வேகப்படுத்துவதற்காகவும் ஆலோசனைகள் வழங்குவதற்காகவும் திமுக உயர்நிலை செயல் திட்டக் குழுக்கூட்டத்தை முதல்வர் மு.க.ஸ்டாலின் நேற்று கூட்டினார். சென்னை தேனாம்பேட்டையில் உள்ள திமுகவின் தலைமை அலுவலகமான அண்ணா அறிவாலயத்தில் இக்கூட்டம் நேற்று நடைபெற்றது. திமுக தலைவரும், முதல்வருமான மு.க.ஸ்டாலின் தலைமை வகித்தார்.

இந்த ஆலோசனைக் கூட்டத்தில் திமுகவின் பொதுச் செயலாளர் துரைமுருகன், பொருளாளர் டி.ஆர்.பாலு, துணை முதல்வர் உதயநிதி ஸ்டாலின், முதன்மைச் செயலாளர் கே.என்.நேரு, துணை பொதுச் செயலாளர்கள் ஐ.பெரியசாமி, கனிமொழி, ஆ.ராசா, அந்தியூர் செல்வராஜ், பொன்முடி மற்றும் உயர்நிலை செயல்திட்ட குழுவில் உறுப்பினர்களாக உள்ள தயாநிதி மாறன், எ.வ.வேலு, ஜெகத்ரட்சகன், எம்.ஆர்.கே. பன்னீர்செல்வம், அமைப்பு செயலாளர் ஆர்.எஸ்.பாரதி உள்ளிட்ட 19 உறுப்பினர்களும் பங்கேற்றனர்.

கூட்டத்தில் நிறைவேற்றப்பட்ட தீர்மானங்கள் வருமாறு: