கட்சியும் உடைந்தது; கனவும் கலைந்தது உத்தவ்தாக்கரே, சரத்பவார் எதிர்காலம் என்ன?

மகாராஷ்டிராவில் மாபெரும் வெற்றியைப் பெற்றுள்ளது பாஜ கூட்டணி.

மக்களவை தேர்தலில் கிடைத்த வெற்றி இந்த முறையும் தொடரும் என நம்பியிருந்த எதிர்க்கட்சிகள் கூட்டணிக்கு பெரிய அடி விழுந்துள்ளது. இதில், உத்தவ் தாக்கரே மற்றும் சரத்பவாரின் எதிர்காலத்தை கேள்விக்குறியாகியுள்ளது. உத்தவ் கட்சி 20 இடங்களில் மட்டுமே வெற்றி பெற்றுள்ளது. சரத்பவார் கட்சி 10 இடங்களில் மட்டுமே வெற்றி பெற்றுள்ளது. உத்தவ் அதிகாரத்தில் இருந்தபோதே பாஜவால் கட்சி உடைக்கப்பட்டு விட்டது. கட்சி பெயரும், சின்னமும் பறிபோய் விட்டது. அதே போல் தான் சரத்பவார் தலைமையிலான தேசியவாத காங்கிரஸ் கட்சியும். ஏக்நாத் ஷிண்டே மற்றும் அஜித்பவாரிடம் கட்சி மற்றும் சின்னத்தை பறிகொடுத்துவிட்டு தற்போது ஏறக்குறைய நிராயுத பாணியாக நிற்கிறார்கள் உத்தவ் தாக்கரே மற்றும் சரத்பவார்.