போலி உறுப்பினர்கள் 44 லட்சம் பேர் நீக்கம்

கூட்டுறவு சங்கங்களின் பட்டியலில் இருந்து

தமிழகத்தில் கூட்டுறவு சங்கங்களுக்கான தேர்தலை நேர்மையாகவும், நியாயமாகவும், வெளிப்படையாகவும் நடத்துவதற்கான ஆயத்தப்பணிகளை அரசு செய்து வருகிறது. முதல்கட்டமாக தரவுகளின் அடிப்படையில் கூட்டுறவு சங்கங்களில் இருந்த 44 லட்சம் போலி உறுப்பினர்களை அதிகாரிகள் அதிரடியாக நீக்கம் செய்துள்ளனர்.

பெயர் நீக்கப்பட்டவர்களில் 18 லட்சம் பேர் இறந்தவர்கள் என்ற பிரிவின் கீழும், மற்றவர்கள் தகுதியற்ற உறுப்பினர்கள் என பட்டியலிடப்பட்டுள்ளனர்.

இந்த தரவுகளை திரட்டுவதற்கான பயிற்சி 2 ஆண்டுகளாக நடந்து வருகின்றன. மேலும், நீக்கப்பட்டவர்களில் ஏராளமானோர் ஆதார் எண்ணை சங்கங்களில் இணைக்காமல் இருந்துள்ளனர். அவர்கள் தங்களின் ஆதார் விவரங்களை அளிக்கும்பட்சத்தில் அவர்களை இணைக்க பரிசீலனை செய்யப்படும் என தகவல்வெளியாகி உள்ளன.