கணவருடன் ஏற்பட்ட கருத்து வேறுபாட்டால் விபரீதம் குழந்தையை கழுத்து அறுத்து கொன்ற கொடூர தாய் மீது பாய்ந்தது கொலை வழக்கு

சென்னை கீழ்ப்பாக்கம் புல்லாபுரம் 3வது தெருவை சேர்ந்தவர் திவ்யா(32).

இவருக்கு கடந்த 6 ஆண்டுகளுக்கு முன்பு பெருங்களத்தூர் பகுதியை சேர்ந்த தனியார் கூரியர் நிறுவனத்தில் பணியாற்றும் ராம்குமார்(34) என்பவருடன் திருமணம் நடந்தது. இவர்களுக்கு தற்போது 4 வயதில் லக்சன் குமார் மற்றும் ஒன்றரை வயதில் புனித்குமார் என்ற 2 மகன்கள் உள்ளனர். குடும்ப வறுமை காரணமாக கணவன், மனைவிக்கும் இடையே அடிக்கடி தகராறு ஏற்பட்டு வந்தது. அதேநேரம் திவ்யா அடிக்கடி பேஸ்புக் உள்ளிட்ட வலைத்தளங்களில் அதிக நேரம் கவனம் செலுத்தி வந்ததாகவும் கூறப்படுகிறது. இதனால் கணவன் மனைவிக்கும் இடையே கடந்த 2 மாதங்களுக்கு முன்பு ஏற்பட்ட தகராறில் கணவன் ராம்குமாரை பிரிந்து தனது 2 குழந்தைகளுடன் திவ்யா கீழ்ப்பாக்கத்தில் உள்ள பெற்றோர் வீட்டிற்கு வந்துவிட்டார்.