ஒத்திவாக்கம் - பொன்விளைந்த களத்தூர் இடையே மந்தகதியில் ரயில்வே மேம்பால பணி 10 ஆண்டாக பொதுமக்கள் அவதி

ஒத்திவாக்கம் - பொன்விளைந்த களத்தூர் இடையே கடந்த 10 ஆண்டுகளாக மந்தகதியில் நடைபெற்று வரும் ரயில்வேகளை கூடுதல் பணியாளர்களை நியமித்து விரைந்து முடித்து பயன்பாட்டிற்கு விட வேண்டும் என்று சமூக ஆர்வலர்கள் கோரிக்கை வைத்துள்ளனர்.

செங்கல்பட்டு அடுத்த ஒத்திவாக்கம் - பொன்விளைந்த களத்தூர் இடையே ரயில்வே கிராசிங் உள்ளது. இந்த பொன்விளைந்த களத்தூர், ஒத்திவாக்கம், அனூர், வல்லிபுரம், பூதூர் என 25க்கும் மேற்பட்ட கிராமவாசிகள், பள்ளி, கல்லூரி மாணவர்கள், அரசு மருத்துவக் கல்லூரி மருத்துவமனை, அத்தியாவசிய தேவைகள், அரசு அலுவலகங்கள் மற்றும் வெளியிடங்களுக்கு செல்ல ஒத்திவாக்கம் ரயில்வே கிராசிங்கை கடந்து தான் செல்ல வேண்டும்.

இந்நிலையில், அடிக்கடி ரயில்வே கேட் மூடப்படுவதால் கடும் போக்குவரத்து நெரிசல் ஏற்படுகிறது என அப்பகுதி மக்கள் தொடர்ந்து குற்றம் சாட்டி வந்தனர். மேலும், இப்பகுதியில் மேம்பாலம் கட்டித் தர வேண்டுமென ஒன்றிய, மாநில அரசுகளிடம் அப்பகுதி மக்கள் கோரிக்கை வைத்தனர்.