வீட்டைவிட்டு மாயமான அக்கா, தங்கை மீட்பு பள்ளி மாணவிகளுக்கு பாலியல் தொல்லை போக்சோவில் வக்கீல், வாலிபர் கைது

இன்ஸ்டாகிராமில் பழகியவர்களை தேடி வீட்டை விட்டு ஓடிய அக்கா, தங்கை மாணவிகளுக்கு பாலியல் தொல்லை கொடுத்த வக்கீல் மற்றும் வாலிபர் போக்சோவில் கைது செய்யப்பட்டனர்.

குமரி மாவட்டம் தக்கலை பகுதியை சேர்ந்த பெண், கணவரை பிரிந்து நாகர்கோவில் பகுதியில் உள்ள நிறுவனத்தில் வேலை செய்து வருகிறார். அவரது முதல் மகள் 8ம் வகுப்பும், 2வது மகள் 6ம் வகுப்பும் படிக்கின்றனர். செல்போனில் அதிக நேரம் செலவு செய்வதை அவர்களின் தாய் கண்டித்துள்ளார். இந்நிலையில், கடந்த 13ம் தேதி இரவு மாணவிகள் இருவரும் மாயமாகினர். இதுகுறித்து போலீசில் தாய் புகார் செய்தார். மேலும், சமூக வலைத்தளங்களிலும் மாணவிகள் படத்துடன் மீட்க உதவி கோரி தகவல் பரவியது.

இந்நிலையில் சுங்கான்கடை பகுதியில் உள்ள ஒரு டீக்கடையில் மாணவிகள் இருவரும், வாலிபர் ஒருவருடன் பைக்கில் ஏறிச் செல்லும் காட்சி வெளியானது. இதனையடுத்து அந்த வாலிபர் யார் என போலீசார் விசாரணை நடத்தினர். தனிப்படை போலீசார் மாணவிகளின் செல்போன் சிக்னல் மூலமும் அவர்களின் இன்ஸ்டாகிராம் பக்கத்திலும் ஆய்வு செய்தனர். இதில் 8ம் வகுப்பு மாணவிக்கு ஏராளமான ஆண் நண்பர்கள் இருப்பது தெரிய வந்தது.