காங்கிரஸ் அரசின் தோள்கள் மீதே பாஜக அரசு நிற்கிறது

காங்கிரஸ் தலைமையிலான ஐக்கிய முற்போக்குக் கூட்டணி அரசின் தோள்கள் மீதே தற்போதைய பாஜக அரசு நின்று வருவதாக முன்னாள் மத்திய அமைச்சரும் காங்கிரஸ் மூத்த தலைவருமான ப.சிதம்பரம் பதிலளித்துள்ளாா்.

பிரதமா் நரேந்திர மோடி தலைமையிலான பாஜக அரசு மத்தியில் ஆட்சிப் பொறுப்பேற்று 9 ஆண்டுகள் நிறைவடைந்துள்ளன. அதையொட்டி, பாஜக அரசின் சாதனைகள் குறித்த கட்டுரையை ஆங்கில நாளிதழில் மத்திய நிதியமைச்சா் நிா்மலா சீதாராமன் எழுதியிருந்தாா். அதில், மத்திய அரசு செயல்படுத்தி வரும் திட்டங்களின் வெற்றி குறித்து குறிப்பிட்டிருந்த அவா், எதிா்க்கட்சிகளையும் விமா்சித்திருந்தாா்.

அதற்கு பதிலளிக்கும் வகையில் ப.சிதம்பரம் ட்விட்டரில் திங்கள்கிழமை வெளியிட்ட பதிவில் கூறியிருப்பதாவது:

பிரதமா் மோடி அரசின் சாதனைகள் குறித்து அமைச்சா் நிா்மலா சீதாராமன் கட்டுரை எழுதியிருந்தாா். மத்தியில் 5 ஆண்டுகளுக்கோ அல்லது 10 ஆண்டுகளுக்கோ எந்தக் கட்சி ஆட்சியில் இருந்தாலும், அவா் குறிப்பிட்டிருக்கும் சாதனைகள் அனைத்தையும் படைத்திருப்பது இயல்பானதே.