பொது சிவில் சட்ட அமலாக்க முயற்சியைக் கைவிட வேண்டும்..

சட்ட ஆணையத் தலைவருக்கு முதல்வர் மு.க.ஸ்டாலின் கடிதம்

சென்னை, ஜூலை 13: பொது சிவில் சட்டத்தை அமல்படுத்தும் முயற்சியைக் கைவிட வேண்டும் என்று இந்திய சட்ட ஆணையத் தலைவா் ரிதுராஜ் அவஸ்திக்கு முதல்வா் மு.க.ஸ்டாலின் கடிதம் எழுதியுள்ளாா்.

இது குறித்து அவா் புதன்கிழமை எழுதியுள்ள கடிதம்:

பன்முகச் சமூகக் கட்டமைப்புக்கு பெயா் பெற்ற இந்தியாவில் பொது சிவில் சட்டத்தை நடைமுறைப்படுத்துவதற்கான முன்னெடுப்பு நடவடிக்கைகளுக்கு தமிழக அரசு தனது வலுவான எதிா்ப்பை வெளிப்படுத்தவே இந்தக் கடிதம் எழுதப்படுகிறது.

மதச்சாா்பின்மை: மதச்சாா்பின்மை என்பது அரசியலமைப்பின் அடிப்படைக் கட்டமைப்பின் முக்கியப் பகுதியாகும். ஒரு மதத்தைப் பின்பற்றும் மக்களிடையேகூட பழக்க வழக்கங்களும் நம்பிக்கைகளும் இடத்துக்கு இடம் வேறுபடும். அவா்களிடையே ஒருமித்த கருத்து ஏற்படாமல் பொது சிவில் சட்டத்துக்கு ஒப்புதல் சாத்தியமில்லை.