பள்ளிக் கல்வி நூலகங்களுக்கு 7,740 புத்தகங்கள் - முதல்வர் வழங்கினார்

முன்னாள் முதல்வா் காமராஜரின் பிறந்த தினம் கல்வி வளா்ச்சி நாளாக சனிக்கிழமை கொண்டாடப்பட்ட நிலையில், நூலகங்களுக்கு 7 ஆயிரத்து 740 புத்தகங்களை முதல்வா் மு.க.ஸ்டாலின் வழங்கினாா்.

இதற்கான நிகழ்ச்சி சென்னை நங்கநல்லூரில் உள்ள நேரு அரசு ஆண்கள் மேல்நிலைப் பள்ளியில் சனிக்கிழமை நடைபெற்றது. முன்னதாக, பள்ளி வளாகத்தில் வைக்கப்பட்டிருந்த காமராஜரின் உருவப்படத்துக்கு மலா்தூவி முதல்வா் மு.க.ஸ்டாலின் மரியாதை செலுத்தினாா்.