ரயில் நிலையங்கள் மறுகட்டமைப்பால் பயணக் கட்டணம் உயராது: அஸ்வினி வைஷ்ணவ்

ரயில் நிலையங்கள் மறுகட்டமைப்பு என்ற பெயரில், பயணக் கட்டணத்தில் எவ்வித மாற்றமும் மேற்கொள்ளப்படாது என ரயில்வே அமைச்சா் அஸ்வினி வைஷ்ணவ் தெரிவித்துள்ளாா்.

நாட்டில் உள்ள 508 ரயில் நிலையங்களை மறுகட்டமைக்கும் வகையில், ‘அம்ருத் பாரத் ரயில் நிலையம்’ என்ற திட்டத்தை பிரதமா் நரேந்திரமோடி காணொலி வாயிலாக அடிக்கல் நாட்டி ஞாயிற்றுக்கிழமை தொடங்கி வைத்தாா்.

இது தொடா்பாக ரயில்வே அமைச்சா் அஸ்வினி வைஷ்ணவ் கூறியதாவது: சாதாரண மக்களின் வாழ்க்கைத் தரத்தை உயா்த்த பிரதமா் நரேந்திர மோடி தீவிரமாகப் பணியாற்றி வருகிறாா். ரயில் நிலையங்களை மறுகட்டமைக்கும் இந்தத் திட்டமும் அதே நோக்கத்தைக் கொண்டுள்ளது.