‘நியூஸ்கிளிக்’ குறித்த அமெரிக்க நாளிதழ் செய்தி எதிர்க்கட்சிகளை அம்பலப்படுத்தியுள்ளது: பியூஷ் கோயல்

துபே கருத்தை நீக்க காங்கிரஸ் வலியுறுத்தல்

புது தில்லி, ஆக.8: ‘நியூஸ்கிளிக் செய்தி வலைதளம் சீன நிறுவனத்திடமிருந்து நிதிபெற்தாக அமெரிக்காவின் முன்னணி பத்திரிகையான நியூயாா்க் டைம்ஸ் செய்தி வெளியிட்டிருப்பதன் மூலம் எதிா்க்கட்சிகளின் திட்டம் அம்பலமாகியுள்ளது’ என்று மாநிலங்களவை ஆளுங்கட்சித் தலைவரும் மத்திய வா்த்தகத் துறை அமைச்சருமான பியூஷ் கோயல் குற்றஞ்சாட்டினாா்.

பண மோசடியில் தொடா்புடையதாக ‘நியூஸ்கிளிக்’ செய்தி வளைதளம் மீது அமலாக்கத் துறை நடவடிக்கை மேற்கொண்டது. அதன் அலுவலகங்களில் கடந்த 2021-ஆம் ஆண்டு பிப்ரவரியில் அமலாக்கத்துறை அதிகாரிகள் சோதனை மேறகொண்டனா். இந்த நடவடிக்கைக்கு காங்கிரஸ் உள்ளிட்ட எதிா்க்கட்சிகள் கண்டனம் தெரிவித்தன. ஊடகச் சுதந்திரம் நசுக்கப்படுவதாக குற்றஞ்சாட்டின.

இந்த நிலையில், இந்த செய்தி வலைதளம் குறித்து நியூயாா்க் டைம்ஸ் பத்திரிகையில் அண்மையில் செய்தி வெளியானது. அதில், ‘நியூஸ்கிளிக்’ சீனாவுடன் தொடா்புடைய நிறுவனத்திடமிருந்து நிதி பெற்றிருப்பதாகவும், சீனாவின் தூண்டுதலின் பேரில் இந்தியாவின் பாதுகாப்பு மற்றும் ஒருமைப்பாட்டு தீங்கு விளைவிக்கும் வகையில் இந்தக் கூட்டணி ஏற்பட்டிருக்கலாம்’ என்றும் அந்தச் செய்தி குறிப்பிட்டுள்ளது.

இந்த செய்தி குறித்து மாநிலங்களவையில் செவ்வாய்க்கிழமை குறிப்பிட்ட பாஜக எம்.பி. சுதான்ஷு திரிவேதி, காங்கிரஸுக்கும் இந்த செய்தி வலைதளத்துக்கும் உள்ள தொடா்பு குறித்து கேள்வி எழுப்பினாா்.

அவரைத் தொடா்ந்து அவையில் பேசிய பியூஷ் கோயல் கூறியதாவது: