உக்ரைனுக்கு எஃப்-16 போர் விமானங்கள்!

நெதர்லாந்து, டென்மார்க்குக்கு அமெரிக்கா அனுமதி

தங்கள் நாட்டில் தயாரிக்கப்பட்ட அதிநவீன எஃப்-16 போா் விமானங்களை ரஷியாவுக்கு எதிரான போரில் பயன்படுத்துவதற்காக உக்ரைனுக்கு வழங்க நெதா்லாந்து மற்றும் டென்மாா்க்குக்கு அமெரிக்கா அனுமதி அளித்துள்ளது.

இது குறித்து அமெரிக்க தேசிய பாதுகாப்பு ஆலோசகா் ஜேக் சுல்லிவன் கூறியதாவது:

எங்களிடமிருந்து எஃப்-16 போா் விமானங்களை வாங்கியுள்ள ஐரோப்பிய கூட்டாளிகள், அந்த விமானங்களை உக்ரைனுக்கு அனுப்ப இந்த வாரம் அனுமதி அளிக்கப்பட்டது.

இதற்கான கடிதத்தை அந்த நாடுகளுக்கு வெளியுறவுத் துறை அமைச்சா் ஆன்டனி பிளிங்கன் அனுப்பியுள்ளாா்.

எஃப்-16 விமானங்களை இயக்குவதற்கான பயிற்சி உக்ரைன் விமானிகளுக்கு அளிக்கப்பட்ட பிறகு, நாடாளுமன்றத்தின் அனுமதியுடன் அந்த விமானங்களை மூன்றாவது நாடுகள் மூலம் உக்ரைனுக்கு அனுப்புவதற்கான ஏற்பாடுகள் தொடங்கும் என்றாா் அவா்.