சந்திரயான் -3: இந்தியா உலக சாதனை !

நிலவின் தென் துருவத்தில் தடம் பதித்தது

இந்திய விண்வெளி ஆய்வு நிறுவனம் (இஸ்ரோ) அனுப்பிய சந்திரயான்-3 விண்கலம் திட்டமிட்டபடி புதன்கிழமை மாலை 6.04 மணியளவில் நிலவின் தென்துரு வத்தில் வெற்றிகரமாக தரையிறங்கியது.

சந்திரயான்-3 விண்கலத்தின் விக்ரம் லேண்டர் நிலவில் தடம் பதித்ததன் மூலம் இந்தியா உலக சாதனை படைத் துள்ளது.

ரஷியா, அமெரிக்கா, சீனா நாடுகளுக்கு அடுத்தபடியாக நிலவு ஆராய்ச் சியில் ஈடுபட்ட இந்தியா, 'சந்திரயான்' விண்கலம் மூலம் முயற்சிகளைத் தொடங்கியது. இஸ்ரோதனது முதல்முயற்சியாக, 2008-ஆம் ஆண்டு அக். 22ஆம் தேதி பிஎஸ்எல்வி-சி11 ராக்கெட் மூலம் ரூ.365 கோடியில் உருவாக்கப் பட்ட சந்திரயான்-1 விண்ணில் செலுத்தியது.

விண்கலத்தை அது 2009-ஆம் ஆண்டு நவ.14-ஆம் தேதி 100 கி.மீ. தொலைவிலான நிலவின் சுற்றுப்பாதையில் நிலைநிறுத்தப் பட்டது. 11 அறிவியல் கருவிகளைத் தாங்கிச் சென்ற சந்திரயான்-1, நிலவில் தண்ணீர் இருப்பதை உறுதி செய்தது. 310 நாள்கள் நிலவைச் சுற்றி வந்த சந்திரயான்-1,2009ஆம் ஆண்டு ஆக. 28ஆம் தேதி தனது ஆராய்ச்சியை நிறுத்திக் கொண்டது.

சந்திரயான்-1 வெற்றிக்குப் பிறகு நிலவைச் சுற்றிவரும் ஆர்பிட்டர், தரையிறங்கி ஆராய்ச்சி செய்யும் லேண்டர், ரோவர் கொண்ட ரூ. 604 கோடி செலவில் உருவான சந்திரயான்-2 விண்க லம், எல்விஎம் மார்க்-3 ராக்கெட்மூலம் 2019-ஆம் ஆண்டு ஜூலை 22-ஆம் தேதி விண்ணில் செலுத்தப்பட்டது. ஆக. 20-ஆம் தேதி நிலவின் சுற்றுப்பாதையில் ஆர்பிட்டர் நிலைநிறுத்தப்பட்டது. அதன் பிறகு, உந்துகலனில் இருந்து வெளியேற்றப்பட்ட லேண்டர், செப். 6-ஆம் தேதி நிலவின் மீது இறக்கும் முயற்சியின்போது தோல்வியடைந் தது. மெதுவாகத் தரையிறங்க வேண்டிய லேண்டர், வேகமாக இறங்கியதால் நிலவின் மேற்பரப்பில் மோதி தலைகீ ழாகக் கவிழ்ந்தது. ஆயினும், 7.5 ஆண்டுகள் செயல்படும் திறன் கொண்ட "ஆர்பிட்டர் மட்டும், 3 ஆண்டுகள், 11 மாதங்கள், 21 நாள்களாகச் செயல்பட்டு வருகிறது.