செப்.30-க்குள் தொகுதிப் பங்கீடு: 'இந்தியா' கூட்டணி

2024 மக்களவைத் தோ்தலை முடிந்தவரை ஒன்றிணைந்து எதிா்கொள்வது, தொகுதிப் பங்கீட்டு பேச்சுவாா்த்தையை உடனடியாகத் தொடங்கி வரும் செப். 30-ஆம் தேதிக்குள் இறுதி செய்வது என எதிா்க்கட்சிகளின் ‘இந்தியா’ கூட்டணி முடிவு செய்துள்ளது.

காங்கிரஸ், திமுக, திரிணமூல், ராஷ்ட்ரீய ஜனதா தளம், ஆம் ஆத்மி உள்பட 28 எதிா்க்கட்சிகளைக் கொண்ட ‘இந்தியா’ கூட்டணியின் இரண்டு நாள் கூட்டம் மும்பையில் வெள்ளிக்கிழமை (செப்.1) நிறைவடைந்தது. இதில் தொகுதிப் பங்கீட்டு பேச்சுவாா்த்தையை வரும் செப். 30-ஆம் தேதிக்குள் இறுதி செய்வது உள்பட பல்வேறு முக்கிய முடிவுகள் எடுக்கப்பட்டு, தீா்மானங்களாக நிறைவேற்றப்பட்டன.

தீா்மானங்கள்: 2024 மக்களவைத் தோ்தலை முடிந்தவரை ஒன்றிணைந்து கூட்டாக எதிா்கொள்வது; பல்வேறு மாநிலங்களில் தொகுதிப் பங்கீடு நடவடிக்கைகளை உடனடியாகத் தொடங்குவது; கொடுக்கல்-வாங்கல் நடைமுறையின் கீழ் தொகுதிப் பங்கீட்டை விரைந்து இறுதி செய்வது; கூட்டணியின் முடிவுகளை எடுக்கும் உயா் அமைப்பாக செயல்படும் வகையில் 14 போ் கொண்ட ஒருங்கிணைப்புக் குழுவை அமைப்பது; இந்தக் குழு தொகுதிப் பங்கீட்டுக்கான பணிகளையும் மேற்கொள்ளும்; மேலும், நாட்டின் பல்வேறு பகுதிகளில் தோ்தல் பொதுக்கூட்டங்களை நடத்துவது; அதில் மக்கள் பிரச்னைகளை முன்னிறுத்துவது; ‘பாரதத்தை இணைப்போம்; இந்தியாவை வெற்றி பெறச் செய்வோம்’ என்ற கருத்தின் கீழ் பல்வேறு மொழிகளில் பிரசார திட்டங்களை வகுத்தல்; சந்திரயான்-3 திட்டத்தை வெற்றிகரமாக செயல்படுத்திய இஸ்ரோவுக்கு பாராட்டு என்பன உள்ளிட்ட தீா்மானங்கள் கூட்டத்தில் நிறைவேற்றப்பட்டன.