மராத்தா சமூகத்துக்கு இடஒதுக்கீடு

மகாராஷ்டிரத்தில் மராத்தா சமூகத்தினருக்கு இடஒதுக்கீடு வழங்க நடவடிக்கை மேற்கொள்ள வேண்டும் என்று அனைத்துக் கட்சிக் கூட்டத்தில் ஒருமனதாக முடிவு செய்யப்பட்டதாக மாநில முதல்வா் ஏக்நாத் ஷிண்டே தெரிவித்தாா்.

மகாராஷ்டிரத்தில் முற்படுத்தப்பட்ட வகுப்பைச் சோ்ந்த மராத்தா சமூகத்தினா் தங்களுக்கு இதர பிற்படுத்தப்பட்டோருக்கான பிரிவில் (ஓபிசி) இடஒதுக்கீடு கோரி, பல்வேறு பகுதிகளில் கடந்த சில நாள்களாக நடத்திய போராட்டங்களில் வன்முறை நிகழ்ந்தது. இதன் காரணமாக அந்த மாநிலத்தில் உள்ள 5 மாவட்டங்களில் அரசுப் பேருந்து சேவைகள் முற்றிலும் நிறுத்தப்பட்டுள்ளன.

இடஒதுக்கீடு கோரிக்கையை வலியுறுத்தி ஜல்னா மாவட்டம், அந்தா்வாலி சாரதி கிராமத்தில் மனோஜ் ஜரங்கே என்ற மராத்தா சமூக தலைவா் காலவரையற்ற உண்ணாவிரதப் போராட்டத்தில் ஈடுபட்டுள்ளாா். அவரை விமா்சித்து தேசியவாத காங்கிரஸ் எம்எல்ஏ பிரகாஷ் சோலங்கி பேசியதாகக் கூறப்படும் ஒலிப்பதிவு சமூக ஊடகங்களில் வெளியானது.