இன்று தென்னாப்பிரிக்கா சவாலை சந்திக்கும் ஆப்கானிஸ்தான்

உலகக் கோப்பை கிரிக்கெட்டின் 42-ஆவது ஆட்டத்தில் தென்னாப்பிரிக்கா-ஆப்கானிஸ்தான் அணிகள் வெள்ளிக்கிழமை மோதுகின்றன.

தென்னாப்பிரிக்கா ஏற்கெனவே அரையிறுதிக்குத் தகுதிபெற்றுவிட்டதால், இந்த ஆட்டம் அந்த அணியின் நிலையில் எந்தத் தாக்கத்தையும் ஏற்படுத்தப் போவதில்லை. ஆனால், ஆப்கானிஸ்தானுக்கு இது முக்கியமான ஆட்டமாக இருந்த நிலையில், நியூஸிலாந்து வியாழக்கிழமை இலங்கையை வென்ால், தற்போது அரையிறுதி நம்பிக்கை அந்த அணிக்கும் பறிபோனது.

இங்கிலாந்து, பாகிஸ்தானை வீழ்த்திய ஆப்கானிஸ்தான், கடந்த ஆட்டத்தில், 5 முறை சாம்பியனான ஆஸ்திரேலியாவையும் வென்று வரலாறு படைக்க இருந்த நிலையில், கடைசி கட்டத்தில் மேக்ஸ்வெல்லின் அட்டகாசமான ஆட்டத்தால் அந்த வாய்ப்பு பறிபோனது. எனவே, இந்த ஆட்டத்தில் தென்னாப்பிரிக்காவுக்கும் ஆப்கானிஸ்தான் சவால் அளிக்க வாய்ப்புள்ளது.

இந்த அணி டாஸ் வென்று பேட்டிங்கை தோ்வு செய்யும் பட்சத்தில், தென்னாப்பிரிக்காவை திணறடிக்கலாம். ஏனெனில், சேஸிங்கில் அந்த அணியின் தடுமாற்றம் தெளிவாகவே தெரிகிறது. ஆப்கானிஸ்தான் பேட்டிங்கில் இப்ராஹிம் ஜா்தான், ரஹ்மத் ஷா, அஸ்மதுல்லா ஒமா்ஸாய் என பேட்டிங்கில் பலமான வீரா்கள் இருக்க, பௌலிங்கில் முஜீப் உா் ரஹ்மான், ரஷீத் கான், முகமது நபி உள்ளிட்டோா் நம்பிக்கை அளிக்கின்றனா்.