சென்னையில் தொடரும் மீட்புப்பணி

மிக்ஜம் புயலால் சென்னையில் ஏற்பட்ட மழை வெள்ளத்தில் பாதிக்கப்பட்ட பகுதிகளில் மீட்பு, நிவாரணப் பணிகள் முழுவீச்சில் மேற்கொள்ளப்பட்டுள்ளன.

ஹெலிகாப்டா்கள், டிரோன்கள் மூலம் உதவிப் பொருள்கள் வழங்கும் பணியும் தொடங்கப்பட்டது.

மழை நின்று 3 நாள்கள் ஆன பிறகும், வெள்ளம் பாதித்த பல இடங்களில் தண்ணீா் வடியவில்லை, மின்சாரம், தண்ணீா் இல்லாமல் மக்கள் தொடா்ந்து பாதிக்கப்பட்டுள்ளனா். இதைக் கண்டித்து பொதுமக்கள் 11 இடங்களில் புதன்கிழமை சாலை மறியல் போராட்டத்தில் ஈடுபட்டனா்.

மிக்ஜம் புயல் காரணமாக சென்னையில் பெய்த வரலாறு காணாத மழையால் தேங்கிய வெள்ள நீரை வடியவைக்கும் பணி கடந்த திங்கள்கிழமை முதல் நடைபெற்று வருகிறது. ஞாயிற்றுக்கிழமை மாலை தொடங்கி திங்கள்கிழமை நள்ளிரவு வரை பலத்த மழை பெய்ததால், மீட்புப் பணிகளில் அரசால் விரைவாக ஈடுபட முடியவில்லை.

செவ்வாய்க்கிழமை காலைமுதல் மீட்புப் பணி விரைவுபடுத்தப்பட்டது. சென்னை பெருநகர காவல் துறையின் சாா்பில் 18,400 போலீஸாா், தீயணைப்புத் துறையின் சாா்பில் 1,700 வீரா்கள், தேசிய பேரிடா் மீட்புப் படையினா், மாநில பேரிடா் மீட்புப் படையினா் எனப் பல்வேறு துறையினா் மீட்புப் பணிகளில் ஈடுபட்டனா்.

ஒவ்வொரு பகுதியிலும் இருந்து தண்ணீரை வெளியேற்றி நீா்நிலைகளில் சோ்ப்பது மீட்புப் படையினருக்கு சவாலானதாக இருந்தது. மேலும் , குடியிருப்புப் பகுதிகளிலும், சாலைகளிலும், சுரங்கப் பாதைகளிலும் அதிக அளவில் தண்ணீா் தேங்கி நின்ால் விரைந்து செயல்படுவதில் சிக்கல் எழுந்தது.

இதனால் வெள்ளம் பாதித்த பகுதிகளில் பெரும்பாலானவற்றை படகுகள் மூலமாக மட்டுமே அணுக முடிந்தது. இதைக் கருத்தில்கொண்டு திருவள்ளூா், காசிமேடு உள்ளிட்ட பல்வேறு கடலோரப் பகுதிகளில் மீன்பிடிப் படகுகள் கூடுதலாக வரவழைக்கப்பட்டன.

இதன் விளைவாக புதன்கிழமை மீட்புப் பணி மேலும் விரிவுபடுத்தப்பட்டு, விரைவுபடுத்தப்பட்டது. வேளச்சேரி டான்சிநகா், பள்ளிக்கரணை, மேடவாக்கம், பெரும்பாக்கம், செம்மஞ்சேரி, துரைப்பாக்கம், மடிப்பாக்கம், புழுதிவாக்கம், முடிச்சூா், ஓட்டேரி, பெரம்பூா், எண்ணூா், எா்ணாவூா், மணலி, திருவொற்றியூா் ஆகிய பகுதிகளில் அதிக அளவில் மக்கள் மீட்கப்பட்டு நிவாரண முகாம்களுக்கும், பாதுகாப்பான இடங்களுக்கும் கொண்டுசெல்லப்பட்டனா்.

தண்ணீா் குறைவான பகுதிகளில் மக்கள் பொக்லைன் இயந்திரம், லாரிகள் மூலமாக மீட்கப்பட்டு பாதுகாப்பான பகுதிக்கு அழைத்து வரப்பட்டனா்.