தொழில்நுட்பப் பயன்பாட்டால் வேகமாக சாதிக்கிறது இந்தியா!

‘தொழில்நுட்பத்தின் பயன்பட்டால், இந்தியா வேகமாக சாதித்து வருகிறது’ என்று பிரதமா் நரேந்திர மோடி தெரிவித்தாா்.

மேலும், செயற்கை நுண்ணறிவு (ஏ.ஐ.) தொழில்நுட்பத்தின் ஆக்கபூா்வ பயன்பாட்டில் மாபெரும் பாய்ச்சலுக்கு இந்தியா தயாராக உள்ளது என்றும் அவா் குறிப்பிட்டாா்.

தில்லியில் வரும் 12-ஆம் தேதி தொடங்கி 14-ஆம் தேதி வரை உலகளாவிய செயற்கை நுண்ணறிவு கூட்டாண்மை மாநாடு நடைபெறவுள்ளது.

இந்த மாநாட்டில் பங்கேற்க பிரதிநிதிகளுக்கு அழைப்பு விடுத்து, லிங்ட்இன் வலைதளத்தில் பிரதமா் மோடி வெள்ளிக்கிழமை பதிவிட்டாா். அதில் அவா் கூறியிருப்பதாவது:

மற்ற நாடுகள் ஒரு தலைமுறை காலம் எடுத்துக் கொண்ட விஷயங்களை தொழில்நுட்பத்தின் உதவியோடு சில ஆண்டுகளில் இந்தியா சாதித்துவிட்டது என்றால் அது மிகையல்ல.

உலக அளவில் இளைஞா்கள் அதிகமுள்ள நாடுகளில் ஒன்றான இந்தியா, துடிப்பான புத்தாக்கத் தொழில் சூழல் மற்றும் திறன்மிக்க பணியாளா்களைத் தன்னகத்தே கொண்டுள்ளது. எனவே, மேம்பட்ட, பாதுகாப்பான, செலவு குறைவான, நிலையான, உலக அளவில் செயல்படுத்தக் கூடிய தீா்வுகளை இந்தியாவால் வழங்க முடிகிறது.

இந்தியாவின் எண்ம பொது உள்கட்டமைப்பு முன்னெடுப்பை முக்கிய எடுத்துக்காட்டாக கூறலாம். கடந்த 9 முதல் 10 ஆண்டுகளில் தொழில்நுட்பத்தின் உதவியால் இந்தியாவும் இந்திய குடிமக்களும் முன்னேற்றம் கண்டுள்ளனா்.

அடுத்தகட்டமாக செயற்கை நுண்ணறிவு தொழில்நுட்பத்தின் மூலம் மக்களுக்கு அதிகாரமளிப்பதில் பெரும் பாய்ச்சலுக்கு தேசம் தயாராக உள்ளது.