சபரிமலையில் தரிசனம் கிடைக்காமல் திரும்பிய தமிழக பக்தர்கள்!

கட்டுக்கடங்காத பக்தா் கூட்டம் காரணமாக சபரிமலையில் தரிசனத்துக்குச் சென்ற பலா் தரிசனம் கிடைக்காமல் திரும்ப வேண்டிய நிலைமை இந்த ஆண்டு ஏற்பட்டதாக பக்தா்கள் குமுறுகிறாா்கள். ஏற்பாடுகள் முறையாகச் செய்யப்படாததால் மிகுந்த அவதிக்கு உள்ளானதாக கூறப்படுகிறது.

சபரிமலை ஐயப்பன் கோயிலில் ஆண்டுதோறும் நடைபெறும் மண்டல பூஜை, மகர ஜோதி தரிசனத்துக்கு தமிழகம், கா்நாடகம், ஆந்திர மாநில பக்தா்கள் லட்சக்கணக்கில் வருவது வழக்கம். பொதுவாக ஐயப்ப பக்தா்கள் காா்த்திகை முதல் நாளில் மாலை அணிந்து விரதத்தை தொடங்குவா். அதற்கு முன்பாகவே மாலை அணிந்து செல்பவா்களும் உண்டு.

எதிா்பாராத பக்தா்கள் கூட்டம்: நிகழாண்டில் மண்டல பூஜைகளுக்கு இணையதள முன்பதிவு மூலம் பக்தா்கள் அனுமதிக்கப்பட்டனா். வழக்கம்போல, நாளொன்றுக்கு சுமாா் 25 ஆயிரம் போ் சந்நிதானம் வரை சென்று, திரும்பிக் கொண்டிருந்த நிலையில், திடீரென்று பக்தா்கள் பெருமளவில் சபரிமலைக்கு வரத் தொடங்கினா். நாளொன்றுக்கு சராசரியாக 80 ஆயிரம் போ் வரை வந்தனா். இந்தக் கூட்ட நெரிசலால் பக்தா்கள் பம்பையிலிருந்து சந்நிதானம் வரை சுமாா் 18 மணி நேரம் வரை காத்திருந்து தரிசனம் செய்ய வேண்டியிருந்தது. கூட்ட நெரிசலில் குழந்தை உள்ளிட்ட 9 போ் உயிரிழந்ததாக கூறப்படுகிறது.