மக்களவைத் தேர்தலில் இளைஞரணியினருக்கு வாய்ப்பு

முதல்வரிடம் உதயநிதி ஸ்டாலின் வேண்டுகோள்

வரும் மக்களவைத் தேர்தலில் போட்டியிட திமுக இளைஞரணியினருக்கு வாய்ப்பு வழங்க வேண்டும் என முதல்வர் மு.க.ஸ்டாலினிடம் திமுக இளைஞரணி செயலாளரும் சருமான உதயநிதி வேண்டுகோள் விடுத்தார்.

திமுக இளைஞரணி இரண்டாவது மாநில மாநாடு சேலம், பெத்தநாயக்கன்பாளையத்தில் ஞாயிற்றுக்கிழமை நடைபெற்றது. இதில் உதயநிதி ஸ்டாலின் பேசியதாவது:

சேலத்தில் நடத்தப்படும் திமுக இளைஞரணி மாநாட்டை இந்தியாவே திரும்பிப் பார்க்கிறது. இளைஞரணி செயலாளராக2019இல் நான் பொறுப்பேற்று நான்கரை ஆண்டுகள் முடிந்துள்ளது. எனது வாழ்நாளில் ஜன. 21-ஆம் தேதியை மறக்கவே முடியாது.

நீட் தேர்வு ரத்து: மாணவர்களின் மருத்துவக்கல்வி கனவை கலைக்கும் நீட் தேர்வை ரத்து செய்ய உண்ணாவிரதம் நடத்தினோம். நீட் தேர்வை ரத்து செய்யவலியுறுத்தி, 50 லட்சம் கையொப்பம் பெறுவதற்காக நடத்தப்பட்ட இயக்கத்தில் இதுவரை 85 லட்சம் பேரிடம் கையொப்பம் பெற்றுள்ளோம். இளைஞரணி சார்பில் நீட் தேர்வை ரத்து செய்ய வலியுறுத்தி தில்லியில் போராட்டம் நடத்தவும் தயாராக உள்ளோம். மருத்துவக் கல்வி மட்டுமல்லாது அனைத்துக் கல்விக்கும் நுழைவுத் தேர்வு நடத்த புதிய கல்விக் கொள்கையை மத்திய அரசு கொண்டுவந்துள்ளது.

உரிமை பறிப்பு: மாநில அரசின் உரிமைகளைப் பறிக்கும் விதமாக பல்வேறு துறைகளை மத்திய அரசு பறித்து வைத்துள்ளது. மாநில எடப் அரசின் வசம் மீண்டும் அத்துறைகளை வழங்க வேண்டும். எடப்பாடி கே.பழனிசாமி தலைமையிலான முந்தைய அதிமுக ஆட்சியில்தான் மாநில உரிமைகளை, மத்திய அரசு பறித்துக் கொண்டது.