‘நடைப்பயணத்தில் பங்கேற்கக் கூடாது' மக்களை மிரட்டும் பாஜக: ராகுல் குற்றச்சாட்டு

பாரத ஒற்றுமை நீதி நடைப்பயணத்தில் பங்கேற்கக் கூடாது என்று அஸ்ஸாம் மாநில பாஜக அரசு மக்களை மிரட்டி வருவதாக காங்கிரஸ் எம்.பி. ராகுல் காந்தி குற்றம்சாட்டினாா்.

‘இந்திய ஒற்றுமை நீதி நடைப்பயணம்’ என்ற பெயரில் மணிப்பூா் முதல் மகாராஷ்டிரம் வரை (கிழக்கில் இருந்து மேற்கு) இரண்டாம் கட்ட பயணத்தை ராகுல் காந்தி மேற்கொண்டு வருகிறாா். அஸ்ஸாம் மாநிலம் விஸ்வநாத் மாவட்டத்தில் ஞாயிற்றுக்கிழமை பயணம் மேற்கொண்ட ராகுல் காந்தி பொதுமக்கள் மத்தியில் பேசியதாவது:

இந்த நடைப்பயணத்தில் உரையாற்றும் நிகழ்ச்சிகள் அதிகம் இல்லை. ஏனெனில், நாம் தினமும் 7 முதல் 8 மணி நேரம் வரை பயணம் மேற்கொள்கிறோம். மக்களுக்கு உள்ள பிரச்னைகளைக் கேட்டறிந்து, அவற்றை அரசுக்கு கொண்டு செல்வதே பயணத்தின் நோக்கம்.