தகுதியான அனைத்து மாணவர்களுக்கும் 100 சதவீத உதவித் தொகை: சென்னை ஐஐடி

சென்னை ஐஐடி முன்னாள் மாணவா்களும், பெரு நிறுவனங்களின் சமூக பங்களிப்பு நிதி (சிஎஸ்ஆா்) கூட்டாளா்களும், பெற்றோரின் ஆண்டு வருமானம் ரூ.1 லட்சம் முதல் ரூ.5 லட்சம் வரை உள்ள பிடெக் மாணவா்களுக்கு 100 சதவீத நிதியுதவியை இரண்டு ஆண்டுகளுக்குத் தொடா்ச்சியாக வழங்க முன்வந்துள்ளனா்.

இது குறித்து சென்னை ஐஐடி வியாழக்கிழமை வெளியிட்ட செய்திக் குறிப்பில் கூறியிருப்பதாவது: சென்னை ஐஐடி, மத்திய-மாநில அரசுகள் மாணவா்களுக்காக அளித்துவரும் கணக்கிலடங்கா நிதியுதவி மற்றும் கல்வி உதவித்தொகை ஆதரவுகளில் ‘மெரிட்-கம்-மீன்ஸ்’ (ஙஇங) உதவித் தொகையும் ஒன்று.

எஸ்சி, எஸ்டி மாணவா்கள் எந்தப் பாடப்பிரிவில் சோ்ந்திருந்தாலும் அவா்களின் பெற்றோரின் வருமானத்தை கணக்கில் கொள்ளாமல் கல்விக் கட்டணம் செலுத்துவதில் இருந்து விலக்கு அளிக்கப்பட்டுள்ளது.